Mamandar almatylyqtardy sanaly túrde qaýipsizdikti saqtaýǵa, kóp adamdar jınalǵan oryndarǵa barmaýǵa shaqyrady.
Almatynyń monıtorıń toptary karantındik buzýshylyqtardy anyqtaýdy jalǵastyrýda. Tekserýshiler koronavırýstyń odan ári taralýyna jol bermeý úshin kúsheıtilgen rejımde jumys isteýde. Mobıldi toptar bıylǵy jyly 2700-ge jýyq zań buzýshylyqty anyqtady, dep habarlaıdy Almaty-akshamy.kz.
Almaty koronavırýs ınfeksıasyn juqtyrý qarqyny boıynsha «qyzyl» aımaqta turǵandyqtan, qoǵamdyq tamaqtaný oryndary, adamdar kóp jınalatyn oryndar, dúkender jáne basqa da qoǵamdyq oryndar tekserýler kúndiz, keshke qaraı jáne túnde tekserilýde.
Alaıda, Almaty turǵyndary men qonaqtary koronavırýstyń jańa shtamdarynyń belsendi aınalymyna qaramastan, adamdar kóp jınalatyn oryndarǵa, saltanattarǵa barýda, toı uıymdastyrýda, adam toly jabyq oryndarda ýaqyttaryn ótkizýdi jalǵastyrýda.
Bıylǵy jyly 30 279 nysan tekserilip, 2682 mekemede karantındik sharalardyń buzylǵany anyqtaldy. 4 730 hattama jasaldy, onyń ishinde zańdy tulǵalarǵa 163,6 mln 468 aıyppul salyndy, maska rejımin buzǵany úshin 4 262 hattama jasaldy, 187 mln teńgege jýyq aıyppul salyndy.
Karantındi jıi buzatyndarǵa qatysty 75 materıal qalanyń mamandandyrylǵan aýdanaralyq ákimshilik sottaryna jiberildi, onyń 64-ine qyzmetti toqtata turý týraly sheshim qabyldady.
Ótken aptada 12-17 shilde aralyǵynda Almatyda 829 nysan tekserildi, onyń 78-inde belgilengen shekteýler anyqtaldy. Tekserýler nátıjesinde almatylyqtarǵa jalpy somasy 7,4 mln teńgeden astam aıyppul salyndy. Kóbinese buzýshylyqtar Almaly, Naýryzbaı jáne Medeý aýdandarynda anyqtalýda.
Mysaly, 14 shildege qaraǵan túni 60-qa jýyq kelýshi Almaly aýdanynyń Tandoor meıramhanasynda boldy. Sol túni «Plov hana» kafesinde buzýshylyqtar anyqtaldy.
15 shildeden 16 shildege qaraǵan túni Medeý aýdanyndaǵy 60 adam bolǵan «Maýı» kafesinde karantındik talaptar buzyldy jáne Naýryzbaı aýdany Dosmuhanbetov kóshesindegi jeke úıde elýden astam qonaq bolǵan saltanatty shara ótkizý faktisi anyqtaldy.
Eń kóp tártip buzýshylyq 17 shildege qaraǵan túni Medeý aýdanyndaǵy 150 adam bolǵan «Leıt naıt shoý» barynda anyqtaldy. Dál sol túni mobıldi top «BHB» barynda buzýshylyqtardy tirkedi, mundaǵy adam sany aldyńǵydaǵydaı.
Budan ózge, «Leıt naıt shoý» bary 18 shildede qaıtadan monıtorıńtik toptyń esebine endi, tekserýshiler birden júzdegen tártip buzýshylarmen profılaktıkalyq áńgime júrgizýge tıis boldy. Saǵat 2.00 shamasynda buryn karantındik talaptardy birneshe ret buzǵan «Atmosfera» barynda jumys rejıminiń buzylǵandyǵy anyqtaldy.
Aıtpaqshy, ótken demalys kúnderi Almatyda tekserýshiler kásipkerler jasaǵan 27 zań buzýshylyqty tirkedi. Barlyq faktiler boıynsha aýdandardyń sanıtarlyq-epıdemıologıalyq baqylaý bólimderine berý jáne odan ári tergeý úshin ákimshilik materıaldar jınaqtaldy.
Almatydaǵy KVI-diń taralýyn boldyrmaý jónindegi qalalyq shtab megapolıstiń keıbir mekemeleri kóptegen ótinishterdiń, eskertýlerdiń bolǵanyna jáne ákimshilik jaýapkershilikke tartylǵandaryna qaramastan, jumys rejımin saqtaý jónindegi talaptarǵa nemquraıdy qaraıtyndyqtaryn atap ótti. Tekserýshiler kóbinese kelýshilerdiń ruqsat etilgen sanyn, jappaı is-sharalardy jáne mekeme qyzmetkerleriniń maska rejımin saqtamaýyn tirkeıdi. Sonymen qatar, kóptegen mekemeler Ashyq jobasymen jasaǵan kelisimdi alǵa tartady. Al shyn mánisinde qosymsha dert juqtyrǵandardy anyqtaý úshin qoldanylmaıdy.
Almatylyqtardy sanaly túrde qaýipsizdikti saqtaýǵa, kóp adamdar jınalǵan oryndarǵa barmaýǵa shaqyrady. Demalys jáne mereke kúnderin úıde vırýstyń taralýyn jáne juǵýyn boldyrmaý úshin otbasymen birge ótkizgen jón. Osy sharalar, onyń ishinde vaksınalaný barlyq kásipkerlerge daǵdarystan tezirek shyǵýǵa múmkindik beredi.
Almaty qalalyq qoǵamdyq densaýlyq basqarmasynyń málimetteri boıynsha, ótken táýlikte koronavırýs ınfeksıasynyń 798 jaǵdaıy tirkeldi, onyń 706- y sımptomdy. Infeksıalyq stasıonarlarda 2878 adam jatyr, onyń 209-y balalar. Reanımasıa jáne ıntensıvti terapıa bóliminde 178 naýqas emdelýde, 29 adam ÓJJ apparatyna qosylǵan, 54 naýqas ınvazıvti emes ÓJJ apparatynda. Búginde 5091 naýqas úıde, almatylyq dárigerlerdiń baqylaýynda, onyń 4692-si derttiń jeńil jáne ortasha aýyr dárejesinde.