Almatyda iri jol apaty boldy, - dep habarlaıdy Aqshamnews.kz qalalyq Polısıa departamentiniń baspasóz qyzmetine silteme jasap.
Jol-kólik oqıǵasy 14 shildede saǵat 18:10 shamasynda Alataý aýdanynda bolǵan.
"Aldyn ala málimet boıynsha, MAZ markaly júk kóliginiń júrgizýshisi Boraldaı tasjoly boıymen shyǵys baǵytta kele jatyp, tizginge ıe bola almaǵan. Saldarynan ol bir baǵytta qozǵalyp bara jatqan Mercedes-Benz jáne KIA kólikterimen soqtyǵysqan, keıin qarsy baǵytqa shyǵyp ketip, Yutong markaly avtobýs pen Subaru kóligine soǵylǵan", – dep habarlady polısıa.
Apat saldarynan 23 adam zardap shekti. Olardyń arasynda avtobýstyń jolaýshylary men KIA kóliginiń júrgizýshisi bar.
Qazir jol apatyna baılanysty tergeý júrip jatyr.