Qazaqstan ekonomıkasy bıylǵy qańtar-maýsym aılarynyń qorytyndylary boıynsha 6,2%-ǵa jetip, oń ósimdi kórsetip jatyr. Bul týraly Úkimet otyrysynda Premer-mınıstrdiń orynbasary – ulttyq ekonomıka mınıstri Serik Jumanǵarın baıandady, - dep habarlaıdy aqshamnews.kz.
Bul qarqyn - alǵashqy bes aıǵa qaraǵanda 0,2%-ǵa joǵary jáne keıingi 14 jyldaǵy JİÓ ósýiniń eń joǵary kórsetkishi. Salystyrý úshin, byltyrǵy uqsas kezeńinde ósim 3,2% boldy.
Ekonomıkanyń naqty sektory +8% jáne qyzmet kórsetý salasy boldy, ol 5,2%-ǵa ósti. Kólik (+22,7%) jáne qurylys (+18,4%) salalary aıtarlyqtaı úles qosty. Sondaı-aq saýdada jandaný jáne taý-ken ónerkásibinde turaqty ósý baıqalady (+8,4%).Óńdeý sektory 5,5%-ǵa, al aýyl sharýashylyǵy 3,7%-ǵa ósti.
Búdjet kirisi josparly kórsetkishterden asyp tústi
"Birinshi jartyjyldyqta memlekettik búdjettiń kirisi 11,4 trln teńgeni qurady, bul ótken jyldyń sáıkes kezeńimen salystyrǵanda 118,8%. Bul salyq tártibi men Qazaqstan ekonomıkasynyń ósýiniń nátıjesi", — dep atap ótti Serik Jumanǵarın.