«Almaty Business – 2025» baǵdarlamasy ayasynda 38,3 mlrd teńgege 750-den asa joba qarjylandyryldy, - dep habarlaıdy Aqshamnews.kz.
2025 jyldyń bírínshí jartyjyldyǵynyń qorytyndysy boıynsha «Almaty» ÁKK» AQ enshíles kompanıyalary «Almaty Business – 2025» kásípkerlíktí damytudyń óńírlík baǵdarlamasy sheńberínde 4,7 mlrd teńge somasyna 44 jobany qarjylandyrdy, būl 320 jańa jūmys ornyn qūruǵa múmkíndík berdí. Ónerkásíptík óndírís, qaıta óńdeu, medıtsına, bílím beru, turızm, kreatıvtí ekonomıka, Sport jáne áleumettík kásípkerlík salalaryndaǵy kásípkerler qarjylaı qoldau aldy. Baǵdarlama 2019 jyly íske qosylǵan sátten bastap 2025 jyldyń shíldesíne deıín jalpy somasy 38,3 mlrd teńgege 750 joba qarjylandyryldy.
Qaryzdardyń eń kóp bólígí óndírís jáne qaıta óńdeu (45%), áleumettík kásípkerlík (21%), turızm (17%), densaulyq saqtau (11%), kreatıvtí ındustrıya (6%) jáne shaǵyn ónerkásíp parkterín salu (1%) salalaryndaǵy kásíporyndarǵa beríldí. Aumaqtyq bólu boıynsha kóshbasshylar Bostandyq audany — 147 qarjylandyrylǵan bastama, Alatau audany — 119, Almaly audany — 87, Áuezov audany — 84, Medeu audany — 83, Nauryzbaı audany — 65, Túrksíb audany — 53 jáne Jetísu audany — 50 boldy. Jobalardy íske asyru nátıjesínde 5 276 jańa jūmys orny qūryldy.
«Almaty Finance» basqarma tóraǵasy Berík Qūsaıynovtyń aıtuynsha, revolverlík-qaıtaru tetíktíń arqasynda byudjetten bólíngen 25,6 mlrd teńge jalpy somasy 38,3 mlrd teńgege bıznestí jeńíldetílgen qarjylandyrudy qamtamasyz ettí. Baǵdarlama óz jūmysyn jalǵastyruda jáne Almaty kásípkerlerín qoldaudyń tıímdí qūraly bolyp qala beredí.
«Almaty Business – 2025» sheńberínde qarjylandyruǵa ónerkásíptík, ınnovatsıyalyq, eksportqa baǵdarlanǵan bastamalar, kreatıvtí ındustrıyalar, áleumettík kásípkerlík, shaǵyn óndírístík bıznes jobalary, sondaı-aq AEA jáne ındustrıyalyq aımaq aumaǵyndaǵy bıznes-bastamalar jatady.
Anyqtama:
«Almaty Business – 2025» kásípkerlíktí damytudyń óńírlík baǵdarlamasyn Almaty qalasynyń máslıhaty 2019 jyly bekíttí. Baǵdarlamanyń negízgí baǵyttarynyń bírí shaǵyn jáne orta bıznes subektílerí úshín qarjylandyrudyń qoljetímdílígín arttyru boldy. Osy maqsatty íske asyru úshín «Almaty» ÁKK — níń enshíles kompanıyalary – «Almaty Finance» jáne «Almaty» mıkroqarjy ūıymy qūryldy, olar búgínde bıznestí bastau, damytu jáne qoldau úshín jeńíldíktí qaryzdar ūsynady.
Qarjylandyru jyldyq 2% jáne 6% mólsherlemeler boıynsha 7 jylǵa deıín júzege asyrylady. 2% mólsherleme azamattardyń áleumettík osal sanattarynyń — kóp balaly jáne az qamtylǵan otbasylardyń, I jáne II toptaǵy múgedekterdíń, múgedek balalardy tárbıelep otyrǵan otbasylardyń, sondaı-aq shaǵyn ónerkásíp parkteríníń rezıdentteríníń jobalaryna qoldanylady. 6% mólsherleme Almatyda tírkelgen jáne jūmys ísteıtín jańadan bastaushylar men jūmys ístep tūrǵan ShOB subektílerí úshín beríledí. Qaryzdyń eń joǵary somasy «Almaty Finance»-ta 500 mln teńgení jáne «Almaty»MQŪ-da 78,64 mln teńgení qūraıdy. Alynǵan qarajatty kásípkerler jabdyqty, shıkízatty satyp aluǵa, aınalym qarajatyn tolyqtyruǵa jáne basqa da bıznes-maqsattarǵa jūmsaıdy.