Saǵat 09:30-daǵy jaǵdaı boıynsha komýnaldyq qyzmettiń jumysy boıynsha aqparat
Almaty qalasynda saǵat 04.00-den bastalǵan jańbyr arakidik toqtap 17 sáýirdiń tańyna deıin jalǵasady. «Qazgıdromet» RMK málimetinshe, saǵat 09:00-de qalada 14 mm, Medeýde 21 mm, Kamensk ústirtinde 28 mm jaýyn-shashyn túsken, dep habarlaıdy almaty-akshamy.kz
TJ boıynsha jedel kezekshiniń aqparatynsha saǵat 09:00-degi jaǵdaı boıynsha sý jınalatyn 12 ýchaske (jeke turǵyn úılerdiń aýlasynda 6 jaǵdaı, kóshelerde 6 jaǵdaı) tirkeldi, olar jedel joıyldy. Oǵan aryq jelileriniń bitelýi sebep bolǵan.
Kúndizgi aýysymǵa 425 birlik arnaıy tehnıka jáne 802 jumysshy jumyldyryldy. Motopompa, tazalaýshy zattarmen jáne basqa da qajetti shans quraldarymen jaraqtandyrylǵan 52 jedel mobıldi brıgada jol astyndaǵy aryq arqyly sýdyń kedergisiz aǵyp ketýin qamtamasyz etý jáne problemalyq ýchaskelerdegi sý tasqynyn joıý úshin kezekshilik uıymdastyryldy. 2,3 myń qap qum daıyndaldy. Aýdan ákimdikterinde jumysty baqylaý úshin táýlik boıy kezekshilik uıymdastyryldy.