Jedel jáne tergeý sharalary jalǵasyp jatyr
Ulttyq Qaýipsizdik Komıtetimen jappaı tártipsizdik pen terorıstik aktige qatysqandardy ustaý jáne jasalynǵan qylmystardyń sebepterin anyqtaý boıynsha keshendi is-shara júzege asyrý kezinde 4 men 8 qańtar aralyǵynda Almaty qalasyndaǵy jappaı tártipsizdikke qatysqan 2 ekstremıstik top quryqtaldy, dep habarlaıdy Almaty-akshamy.kz QR UQK baspasóz qyzmetine silteme jasap.
Vedomstvo málimetinshe, 9 qańtarda ekstremıstik áreketke aldap-arbaý, ekstremıstik uıymǵa basshylyq etý jáne oǵan qatysý, sondaı-aq jappaı quqyqqa qaıshy aksıalardy júrgizý kúdigimen bir uıashyqtyń 4 múshesi ustaldy.
Turǵylyqty mekenderin tekserý barysynda atylatyn qarý, dybys-jaryq granatalar, oq-dáriler jáne dinı ádebıetter zattaı aıǵaq retinde tárkilendi.
Uıym jetekshisi halyqaralyq terorıstik uıymmen baılanysy bar, jappaı tártipsizdikke belsendi túrde at-salysqan shetel azamaty bolyp tabylady.
Tergeý tujyrymy boıynsha, ol Qazaqstanǵa jappaı quqyqqa qaıshy aksıalardy daıyndap, sondaı-aq bılik organdary men qarýly qurylymdarǵa shabýyl jasaý úshin kelgeni anyqtaldy.
Oǵan osy maqsatta kómek berýshilerdi izdestirý uıymdastyryldy. Tergeý múddesine sáıkes, keıbir aqparattar jarıalaýǵa jatpaıdy.
Jedel jáne tergeý sharalary jalǵasyp jatyr.
Sonymen qatar, keıbir BAQ-ta jáne áleýmettik jelilerde QR UQK Almaty qalasy boıynsha departamentinen qarý-jaraqtar, oq-dáriler, basqa da múlikter urlanǵany jaıynda taralǵan aqparattar - jalǵan.
Terorıstik qaýiptiń "qyzyl" deńgeıiniń talaptaryna sáıkes, departament kúsheıtilgen tártipte qyzmet atqaryp jatyr.