Almatydaǵy "Iýjnaıa" qazandyǵynda elektr qýaty qysqa merzimge óshken keıin qaıtadan shtattyq rejımde jumys isteı bastady, dep habarlaıdy almaty-akshamy.kz Almaty qalasy energetıka jáne sýmen jabdyqtaý basqarmasyna silteme jasap.
12 qarasha saǵat 09.40 Bostandyq aýdanyndaǵy “Iýjnaıa" qazandyǵynda qurylǵy ajyrap, elektr qýaty azdaǵan ýaqytqa berilmeı qaldy. №3 sý jylytý qazandyǵynda qaldyq gaz-aýa qospasynyń tutanýymen avtomatıka jumysynda aqaý boldy.
Osy sebepti jaqyn mańdaǵy úılerdiń turǵyndary tarsyl tárizdi dybysty estýi múmkin.
10 mınýttan keıin jylý jelileriniń gıdravlıkalyq rejımin qalpyna keltire otyryp, sorǵy qondyrǵylary iske qosyldy.
Qazandyq shtattyq rejımde jumys isteıdi.
Qurbandar men zardap shekkender joq.