«Týrısik Qamqor» qory qazaqstandyq týrıserge kómektesýge múmkindik beretin arnaıy mobıldi qosymsha jasady, dep habarlaıdy almaty-akshamy.kz Halyq Uni. silteme jasap.
Qordyń tapsyrysymen «Týrısik Qamqordyń» mobıldi qosymshasy jasaldy. Qazaqstandyqtar bul qosymshany uıaly telefonǵa ornatyp, kez kelgen ýaqytta kirip týrısik operatorlar men týrısik kodty teksere alady. Sondaı-aq týrızmge qatysty shaǵymdana alady. Biz ol problemany sheshýge kómektemesiz, - dedi «Týrısik Qamqor» qorynyń jetekshisi Inna Reı.
Onyń aıtýynsha, atalǵan qosymsha shetelde demalýdy josparlap otyrǵan qazaqstandyqtarǵa týrısik agent pen týrısik joldamany tekserýge múmkindik beredi.
Biz qazaqstandyqtarǵa shetelde demalatyn kezde birinshi kezekte týrısik kodtyń baryna kóz jetkizýge keńes beremiz. Týrkod bolýy kerek, ári ol jalǵan emes, zańdy ekenine kóz jetkizip alǵan abzal. Mysaly, Jańa jyl sıaqty mereke – halyq kóp demalatyn, ádemi jerde qarsy alýǵa tyrysatyn kez. Tek bizdiń elde ǵana emes, búkil álemde jolaýshylar aǵynynyń dınamıkasy artady. Bul kezde túrli problemalarǵa tap bolýy múmkin. Mundaı jaǵdaıda azamattarymyz ózderiniń eli qorǵaıtynyn bilýi kerek. Bul tek týrısik kod bolsa ǵana múmkin bolady. Týrısik kod bolsa, kóńili qalaǵan, baǵasyn qaltasy kóteretin kez kelgen elde demala alady, - dep tolyqtyrdy ol sózin.
Sonymen qatar ol týrısik kod pen týrısik agentter týraly aqparatpen qordyń saıtynan tanysýǵa bolatynyn eske saldy. Onda kepildik júıesinde jumys isteıtin týragentterdiń tizimi bar.
Eske sala ketsek, «Týrısik Qamqor» qorynyń maqsaty – týroperatordyń, týroperator-áýe kemesimen jaldanýshynyń mindettemelerdi oryndaý múmkindigi bolmaǵan kezde sheteldegi Qazaqstan azamattaryn elge jedel qaıtarýdy qamtamasyz etý.