Óńirlik komýnıkasıalar qyzmetiniń alańynda QR IIM Almaty akademıasynyń kásibı daıarlyq fakúlteti bastyǵynyń orynbasary, Polısıa polkovnıgi Ádil Týlmaǵanbetovtyń qatysýymen brıfıń ótti, ol oqýǵa túsý kezindegi negizgi talaptar týraly aıtyp berdi, dep habarlaıdy almaty-akshamy.kz.
Maqan Esbolatov atyndaǵy QR İİM Almaty akademıasy QR İshki ister mınıstrliginiń jetekshi oqý oryndarynyń biri bolyp tabylady.
Akademıa «Quqyq qorǵaý qyzmeti», «Kıberqaýipsizdikti qamtamasyz etý», «İİO- İT krımımnalıstıkalyq qamtamasyz etý», «Aqparattyq júıeler jáne tehnologıalar» baǵyttary boıynsha mamandar daıarlaıdy.
“Bizdiń oqý ornymyz birneshe baǵyttar boıynsha mamandardy daıarlaýǵa baǵyttalǵan: kıberqylmystarǵa qarsy kúresti júrgizetin bólimsheler úshin, jedel-izdestirý qyzmetin júzege asyrý, İİO İT- krımınalısıkalyq qyzmetin qamtamasyz etý, sondaı – aq tehnıkalyq baǵyttar úshin-aqparattyq júıeler (derekter bazasy)”, - dedi Ádil Týlmaǵanbetov.
Akademıada oqýdyń artyqshylyǵy retinde ol mynalardy atap ótti:
- memlekettik tapsyrys negizinde oqýǵa qabyldaý jáne oqytý, jaıly jabdyqtalǵan jataqhanada turý, zamanaýı tehnıkamen jabdyqtalǵan aýdıtorıalarda oqý, stıpendıa alý, tamaqpen, oqýǵa qajetti kıim-keshekpen qamtamasyz etý, medısınalyq qyzmet kórsetý, tegin sport seksıalary (trenajer jáne kúres zaldary, sondaı-aq olımpıadalyq standarttarǵa saı keletin boks rıngi), turǵylyqty jerine tegin jol júrý jáne keri qaıtý (poezdben);
- kúndizgi oqý nysany boıynsha oqý merzimi merzimdi áskerı qyzmet ótkerýge teńestiriledi;
- tolyq oqý kýrsyn aıaqtaǵan árbir túlek 100% jumysqa ornalasady;
– oqýdy aıaqtaǵannan keıin túlekterge «Ulttyq qaýipsizdik jáne áskerı is bakalavry» jáne «Aqparattyq-kommýnıkasıalyq tehnologıalar salasyndaǵy Bakalavr» biliktiligi taǵaıyndalyp, memlekettik úlgidegi dıplom beriledi, sondaı-aq "polısıa leıtenanty" arnaıy ataǵy beriledi.
Quqyq qorǵaý organdarynyń bilim berý uıymdarynda bakalavrıat baǵdarlamalary boıynsha oqýǵa orta bilimi bar, on alty jasqa tolǵan Qazaqstan Respýblıkasynyń azamattary qabyldanady. Ol úshin:
Oqýǵa aqpan-mamyr aılary aralyǵynda oqýǵa túsýshi turǵylyqty jeri boıynsha polısıa bólimine júginýi nemese tikeleı qabyldaýǵa tıisti qujattardy rásimdeý úshin Almaty akademıasynyń saıtyna https://alpolac.edu.kz/ siltemesi boıynsha kirýi qajet. Oqýǵa túsý úshin aǵymdaǵy jyldyń mamyr-shilde aılary aralyǵynda ótetin Ulttyq biryńǵaı testileýdi tapsyrý qajet.
«Quqyq qorǵaý qyzmeti», «Kıberqaýipsizdikti qamtamasyz etý», «İİO- İT krımımnalıstıkalyq qamtamasyz etý» bilim berý baǵdarlamasy boıynsha oqýǵa túsýshiler úshin (shyǵarmashylyq emtıhannan basqa) kez kelgen eki beıindik pándi tańdaýǵa bolady.
"Aqparattyq júıeler jáne tehnologıalar" bilim berý baǵdarlamalary boıynsha oqýǵa túsýshiler úshin eki beıindik pán tańdalýy tıis 1. "Matematıka" jáne 2. "Fızıka".
Konkýrsqa qatysý úshin keminde 50 bal, onyń ishinde árbir pán boıynsha keminde 5 bal jınaý qajet, sonymen qatar «oqý saýattylyǵy jáne matematıkalyq saýattylyq» shekti bal keminde 3 bal jınaý qajet.
ÓKQ spıkeri UBT, medısınalyq kýálandyrýdan sátti ótken adamdar medısınalyq jáne fızıkalyq kórsetkishterdiń nátıjelerin eskere otyryp, UBT baldaryna sáıkes konkýrsqa qatysý úshin İİM Almaty akademıasyna shaqyrylatynyn atap ótti.
“Qazaqstan Respýblıkasy Ulttyq ulany qatarynda jedel áskerı qyzmet ótkergen, úmitkerler úshin belgilengen talaptar boıynsha shekti bal jınaǵan, UBT nátıjeleri boıynsha 100 jáne odan joǵary bal jınaǵan tulǵalar, sport sheberleri, qyzmettik mindetterin atqarý kezinde qaza tapqan polısıa qyzmetkerleriniń balalary konkýrssyz qabyldanady”, - dep atap ótti Ádil Týlmaǵanbetov.
Dene shynyqtyrý kórsetkishteri boıynsha úmitkerlerdi irikteý kelesi sporttyq jattyǵýlardy oryndaý nátıjesinen júrgiziledi:
- 100 metrge júgirý (uldar, qyzdar);
- 1000 metrge júgirý (kros) (uldar, qyzdar);
- týrnıkke tartylý (uldar);
- 1 mınýt boıy shalqasynan jatyp deneni kóterý. (qyzdar).
Oqýǵa túsý týraly tolyq aqparatty İİM Akademıasynyń saıtynan nemese +7-708-684-49-70 (WhatsApp), +7-775-930-55-88 (WhatsApp) telefondary arqyly bilýge bolady.