Almatyda «Taza Qazaqstan» jalpy respýblıkalyq aksıasy aıasynda ótetin jáne jazda «Almaty – bizdiń ortaq úıimiz» naýqanynyń jalǵasy bolyp tabylatyn «Almaty Jazy» aksıasy jalǵasýda, dep habarlaıdy almaty-akshamy.kz.
Naýqan barysynda 26 maýsym men 6 shilde aralyǵynda uzyndyǵy 1525 km aryq jelilerin tazartý jumystary kúsheıtildi.
«Almaty Tazalyq» MKK-men birge aryqtardy tazartýǵa 6 merdiger uıym jumyldyryldy. Jumysqa kúndelikti 54 birlik arnaıy tehnıka men 720 jumysshy shyǵady. Kún saıyn merdiger uıymdar aryq jelilerinen 250 m3 balshyq jáne t.b. qoqystar shyǵarady.
Jaýyn-shashyn kezinde aryq jelileri arqyly sýdyń kedergisiz aǵyp qamtamasyz etý jáne sý basýdyń aldyn alý úshin motopompalarmen, bagralarmen jáne basqa da shans quraldarymen jabdyqtalǵan 52 jedel mobıldi brıgada kezekshilikke shyǵady. 
Esterińizge sala keteıik, «Qalalar men eldi mekenderdiń aýmaqtaryn abattandyrý erejelerin buzǵany, sondaı-aq ınfraqurylym obektilerin qıratqany, qala men eldi mekenderdiń jasyl jelekterin joıǵany jáne búldirgeni úshin» Almaty qalasynda QR ÁQBtK-niń 505-baby boıynsha ákimshilik jaýapkershilik qarastyrylǵan. Alaıda komýnaldyq qyzmet jumysshalyra ataǵandaı, aıyppuldarǵa qaramastan, qalalyq aryq jelileri kún saıyn qoqys pen turmystyq qaldyqtarmen biteledi. 
«Almaty Jazy» aksıasy osy jyldyń 6 shildesine deıin jalǵasady. Basty maqsat el arasynda joǵary azamattyq jaýapkershilikti, ekologıalyq mádenıetti tárbıeleý, jeke ekologıalyq bastamalardy qoldaý jáne olardy iske asyrý úshin jaǵdaı jasaý.