2023 jyly 70% tozǵan mádenıet nysandarynyń ınfraqurylymyna erekshe kóńil bólinedi
Almaty ákimi Erbolat Dosaev máslıhat otyrysynda qaladaǵy haıýanattar baǵyn qaıta jańǵyrtý jospary týraly aıtty, dep habarlaıdy Almaty-akshamy.kz Zakon.kz-ke silteme jasap.
Ákimniń aıtýynsha, 2023 jyly 70% tozǵan mádenıet nysandarynyń ınfraqurylymyna erekshe kóńil bólinedi.
"Almaty haıýanattar baǵyn qala turǵyndary men týrıserdi tartatyn ortalyqqa aınaldyrý úshin ony halyqaralyq standarttarǵa saı kezeń-kezeńimen qaıta qurýdy bastaý josparlanyp otyr", - dedi Erbolat Dosaev.
Oǵan qosa, ákim jalpy somasy 2 mlrd teńgege "Alataý" dástúrli óner teatryn kúrdeli jóndeý, qýyrshaq teatryn, qalalyq muraǵatty jańǵyrtý jáne kitaphanalardy sıfrlandyrý bastalatynyn qosa ketti.
Sonymen qatar 2022 jyly Qazaq memlekettik sırkiniń ǵımaratyn jańǵyrtýǵa, Qazaq zaǵıptar qoǵamy men "Qazaq qoǵamyn" mádenıet úıiniń jańa ǵımaratyn salýǵa jobalyq-smetalyq qujattama (JSQ) daıyndaldy.
"Bul maqsattarǵa qosymsha qarajat bólinedi", - dedi Erbolat Dosaev.
Almaty haıýanattar baǵy – Qazaqstandaǵy eń kóne zoologıa saıabaqtardyń biri. 1935 jyly 25 qańtarda qurylǵan, biraq 1937 jyl resmı ashylý jyly bolyp sanalady.
5 jeltoqsanda qys túsýine baılanysty haıýanattar baǵyna qala qonaqtary – úırekter, qaraquıryqtar men kógershinder kelgeni habarlandy. Olardyń "tegin azyqtanýyna" baılanysty zoobaq ákimshiligi qustardyń qoregin eki-úsh esege arttyrdy.