5 qańtar kúni Almatydaǵy jaǵdaı tipti qıyndap ketti.
«Almaty» telearnasy búkil elimiz úshin aýyr synaq bolǵan úlken qasiret týraly jýrnalısik zertteý janryndaǵy bes bólimdi derekti fılmniń ekinshi bólimin usynǵanyn habarlaıdy Almaty-akshamy.kz Almaty.tv-ge silteme jasap.
Fılmde eksklúzıvti suhbattar jáne buǵan deıin beımálim bolyp kelgen faktiler usynyldy. Sonymen qatar, avtorlar qandy búlik pen sumdyq alapatqa aınalǵan narazylyqtyń tolyq hronologıasyn qalpyna keltirýge tyrysqan.
Ekinshi bólimniń bir epızodynda «Almaty» telearnasynyń jýrnalıseri, solardyń ishinde fılm avtorlarynyń biri Nazym Málikqyzy narazylyq bildirýshilerden kýrsantty uryp-soqpaýyn ótingeni kórsetilgen. Sol kúni túsirý toby qalalyq ákimdikti basyp alý kezinde soqqyǵa jyǵylǵan on shaqty kýrsantty qutqaryp, taksımen alyp ketken.
«Bastapqyda birdeńeni qıratýǵa, búlinshilik jasaýǵa eshkim úndegen joq. Muny joqqa shyǵarmaýymyz kerek. Onda ártúrli top ókilderi júrdi. Biraq, ókinishke qaraı, sońy tártipsizdikke ulasty. Biraq, ol kezde bılikke óz talabyn jetkizgisi kelgen narazylyq bildirýshilerdiń 95 paıyzy alańnan ketip qalǵanyn atap aıtqym keledi. Arandatýshylar bóget jasaǵandyqtan, olardy eshkim tyńdaǵan joq», – deıdi azamattyq belsendi, saıasattanýshy Maqsat Jaqaý.
5 qańtar kúni Almatydaǵy jaǵdaı tipti qıyndap ketti. Ákimdik pen rezıdensıa órtke orandy, birneshe polısıa bólimshesi qorshaýda qaldy, al áýejaıdy búlikshiler jartylaı basyp aldy.
«Kúshtik qurylymdardy, strategıalyq nysandardy, massmedıa ǵımaratyn basyp alý – memlekettik tóńkeris josparynyń aıqyn belgisi», – dep esepteıdi sol kúnderi Qazaqstandaǵy jaǵdaıdy muqıat qadaǵalaǵan Grýzıanyń áskerı saıasattanýshysy Vahtang Maısaıa.
Keıin polısıa departamentiniń aldynda eki myńǵa jýyq adam jınaldy. Qarýly toptar kúshtik qurylymdardan berilýin, qoımadaǵy qarý-jaraqty berýin talap etedi.
«Bul uıymdasqan top bolatyn. Jaqsylap daıyndalǵan. Olardyń báriniń qolynda áskerı qarý boldy. Al áskerı qarýdy ekiniń biri qoldana almaıdy. Qarý ustaǵan jaı adam kózdegenine dál tıgizýi múmkin emes. Olar tiri adamdarǵa oq atty. Ǵımarattyń ishinde bar ekenimizdi bilse de, toqtaǵan joq», – dep eske alady polısıa bóliminiń aǵa ınspektory Botagóz Esenova.
Polısıa departamenti qorshaýda bolǵan kezde, qarýly toptar kúshtik qurylymdar qorǵaýǵa almaǵan áýejaıǵa shabýyl jasaı bastady. Áýejaı aýmaǵynyń aldyna arnaıy kıim kıgen óz adamdaryn qoıyp qoıǵan.
«Shamamen 15 adamnan turatyn top keldi. Bári qarýlanǵan, bireýiniń bytyraly myltyǵy, bireýiniń qolynda baltasy bar, taǵy biri bilik temir ustap alǵan. Qalǵandarynyń báriniń qolynda – keldek. Olar ushaqqa kelip, trappen joǵary kóterildi, sosyn ushaqtyń esigin ashpaq boldy. Biz esikti ishinen bekitip tastap, ashqyzbadyq. Olar bilik temirmen, baltamen ılúmınatordy qıratpaq boldy. Esikti ashyńdar dep aıqaılady. Eger ashpasaq, órteıtinin aıtyp, qoqan-loqqy kórsetti», – deıdi sol kúni Almatydan Shymkentke attanýǵa tıis áýe kemesiniń ushqyshy Almas Baıǵojın.
Túnde Almatydaǵy joıdasyz búlinshilik toqtamaq túgil, tipti soraqy túrge aýysty. Bir jerde qarýly qaqtyǵys bolyp jatsa, endi bir jaqta buzaqylar men ury-qarylar oıyna kelgenin istep júrdi.
«Bassyzdyq boldy, eshkim eshkimdi jazalaǵan joq, qıraǵan dúkenderdi bári kórdi, budan ótken qandaı bassyzdyq bolar? Zaýalsyzdyq keıbir adamdardyń boıynda jabaıylyq belgilerin týdyratyny qandaı qorqynyshty. Bálkim, olar jaman adamdar emes shyǵar, alyńdar degen soń ala salǵan da shyǵar», – deıdi belgili jýrnalıs ári bloger Polına Shımanskaıa.
Brússeldik sarapshy Alberto Túrkstranyń pikirinshe, belgili bir kúmándi, radıkaldy maqsat kózdegen elementter jaǵdaıdy paıdalanyp, Qazaqstannyń konstıtýsıalyq qurylymyn buzýǵa tyrysqan.
«Qańtar oqıǵasynyń beınejazbasynan topty basqarýshy lıderlerdi, rasıa ustaǵan uıymdastyrýshylardy kórýge bolady. Meniń oıymsha, olardyń kim ekeni anyqtaldy. Biraq, kópshiliktiń arasynda júrgenderdi tabý qıyn. Bir anyq nárse, bulardyń bári aldyn ala josparlanǵan. Shetelde uıymdastyryldy ma, álde el ishinde me, áıteýir, mundaı jaǵdaı aıaq astynan bolmaıdy. Bolǵan jaǵdaıdy saraptaǵanda, halyq radıkaldyq maqsat kózdegen úshinshi bireýlerdiń arbaýyna tústi degen qorytyndyǵa keldik», – dep túıindedi belgıalyq sarapshy.
Úshinshi bólimniń tusaýkeseri kelesi beısenbide «Almaty» telearnasynan kórsetiledi.