№ 2 Almaty qalalyq perınataldyq ortalyǵy 2024 jyldyń qorytyndysy boıynsha perınataldyq ortalyqtar men perzenthanalardyń arasynda Qazaqstan Respýblıkasynyń medısınalyq uıymdarynyń reıtıńinde birinshi oryndy senimdi ıelendi.
Reıtıńtik baǵalaýdyń qorytyndysyn «Densaýlyq saqtaýdy reformalaýdy ádisnamalyq qoldaý» memlekettik tapsyrmasy sheńberinde QR Densaýlyq saqtaý mınıstrliginiń Salıdat Qaıyrbekova atyndaǵy UǴRO qorytyndylady, dep habarlaıdy aqshamnews.kz.
Baǵalaý kezinde 14 klınıkalyq ındıkator, akkredıttelgen MU týraly aqparat («MQBSJ» AJ derekteri boıynsha) jáne QR DSM MFBK jáne «ÁlMSQ» KeAQ aýmaqtyq departamentteriniń derekteri boıynsha negizdelgen shaǵymdardyń sany týraly derekter eskerildi.
Mundaı keshendi tásil medısınalyq kómek kórsetýdiń úzdik tájirıbelerin anyqtaýǵa múmkindik beredi jáne basqarý sheshimderin qalyptastyrý kezinde densaýlyq saqtaý organdarynyń basshylary úshin mańyzdy baǵdar bolyp tabylady.
№ 2 qalalyq perınataldyq ortalyqtyń jetistikteri bosandyrý jáne perınataldyq medısına salasynda medısınalyq kómek kórsetýdiń joǵary deńgeıin kórsetedi.
Ortalyq reıtıńti basqaryp qana qoımaı, pasıentterdi qabyldaýdy uıymdastyrýdyń jáne olardyń qaýipsizdigin qamtamasyz etýdiń úlgisi boldy.
Jyl saıyn mekeme 10 myńǵa jýyq pasıentti qabyldaıdy, olardy aǵyndardy ońtaılandyrý jáne qyzmet sapasyn jaqsartý úshin trıaj júıesine sáıkes bóledi.
Ótken jyly ortalyqta 5 myńnan astam bosandyrý júrgizildi, 1000-nan astam operasıa jasaldy, júzdegen sábı, sonyń ishinde merziminen buryn týǵandar shyǵaryldy.
Munda DDU baǵdarlamasy boıynsha ana bolý qaýipsizdigi qaǵıdattary sátti engizildi jáne júktilik pen bosanýdy basqarýdyń jańa tehnologıalary qoldanyldy, bul jańa týǵan náresteler aýrýlarynyń, ana men bala jaraqattarynyń, sondaı-aq jańa týǵan náresteler óliminiń jıiligin tómendetýge múmkindik berdi. Ortalyq «Ana men balaǵa dostyq qarym-qatynas» ataǵyna ıe boldy.
№2 qalalyq perınataldyq ortalyq 1937 jyldan bastaý alady jáne 80 jyldan astam júkti áıelderge, bosanatyn áıelderge, bosanǵan áıelderge, jańa týǵan nárestelerge jáne gınekologıalyq naýqastarǵa sapaly medısınalyq kómek kórsetip keledi. 2022 jyly perzenthana perınataldyq kómekti óńirlendirýdiń ekinshi deńgeıinen úshinshi deńgeıge aýystyryldy, bul kórsetiletin qyzmetter spektrin keńeıtýge múmkindik berdi.
Búgingi tańda mekemede 10 bólimshe jumys isteıdi, onyń ishinde qabyldaý bólmesi, perzenthana, reanımasıa jáne bosanǵannan keıingi kútim bólimsheleri, sondaı-aq jańa týǵan nárestelerge arnalǵan mamandandyrylǵan bólimsheler, patologıa bólimshesi, ortalyq zararsyzdandyrý bólimshesi men zerthanasy bar operasıalyq blok jumys isteıdi.
Reıtıńtik baǵalaýdyń kóshbasshysy retinde tanylýmen qatar, Almaty qalasynyń ákimdigi mekemeniń materıaldyq-tehnıkalyq bazasyn jańǵyrtý boıynsha belsendi jumys júrgizýde. Josparda — №2 qalalyq perınataldyq ortalyqtyń jańa ǵımaratyn salý, sodan keıin eski korpýsty buzý bar.
Bul jetistik sapa standarttaryn odan ári arttyrý, Zamanaýı tehnologıalardy engizý jáne ana men balanyń ómiri men densaýlyǵyn saqtaý úshin mańyzdy yntalandyrýǵa aınalady.