Almatyda qoǵamdyq tamaqtaný oryndarynyń bas aspazy esirtki satqany úshin ustaldy.
Polıseıler esirtki satty degen kúdikpen jergilikti dámhananyń aspazyn ustady, dep habarlaıdy aqshamnews.kz Polisia.kz-ke silteme jasap.
Polısıanyń málimetinshe, er adam jumysyn zańsyz zattardy satý úshin paıdalanǵan.
— Ol gashısh esirtki zatyn jumys ornynda satqan, dámhanany óziniń qylmystyq áreketterin jasyrý úshin paıdalanǵan. İstiń barlyq mán-jaıyn anyqtaýǵa baǵyttalǵan jedel is-sharalardan keıin aspaz ustaldy. Ustaý jáne tintý nátıjesinde esirtki jáne esirtkiniń zańsyz aınalymyna qatysty basqa da zattar tárkilendi. Ustalǵan azamat qamaýǵa alyndy. Qazir qylmystyq is-árekettiń barlyq deregin jáne oǵan basqa adamdardyń qatysy bar-joǵyn anyqtaý maqsatynda tergeý amaldary júrgizilip jatyr, - dedi Almaty qalalyq PD esirtki qylmysyna qarsy kúres basqarmasynyń bastyǵy Murat Jumabaev.