Janqosh Turarov kásipqoı bokstaǵy 26-shy jeńisine qol jetkizip, IBO-nyń qosalqy chempıondyq beldigin ıelendi.
Janqosh Turarov (25-0, 18 KO) Almatyda ótip jatqan kásipqoı boks keshinde óner kórsetti, dep habarlaıdy Almaty-akshamy.kz QazAqparatqa siteme jasap.
Keshtiń basty aıqasynda J.Turarov venesýelalyq Lýıs Enrıke Romeromen (11-5-1, 7 KO) judyryqtasty. Jekpe-jek birinshi jartylaı orta salmaqtaǵy IBO Inter-Continental chempıony ataǵy úshin ótti.
Sports.kz saıtynyń jazýynsha, 10 raýndqa eseptelgen aıqas qazaqstandyq boksshynyń jeńisimen jetinshi raýndta aıaqtaldy: ol qarsylasyn eki ret nokdaýnǵa jiberdi.
Osylaısha, Janqosh Turarov kásipqoı bokstaǵy 26-shy jeńisine qol jetkizip, IBO-nyń qosalqy chempıondyq beldigin ıelendi.
Al Lýıs Enrıke Romero profı-rıngte úshinshi ret jeńilis tapty.
Aıta keteıik, buǵan deıin J.Turarov WBO Inter-Continental nusqasy boıynsha chempıon bolǵan edi.
Qazaqstan boksshylary 11 jeltoqsan kúni Almatydaǵy «Barys Arenada» ótetin keshte birden úsh tıtýldy aıqas ótkizetinin jazǵan edik.
Búgingi keshte sondaı-aq Angelına Lýkas Tanzanıa ókili Lýlý Kaıageni (8-8-4, 2 KO) jeńip, UBO-nyń álem chempıony atandy.