Hodjanov kóshesiniń shyǵysyndaǵy Eksperımentalnaıa kóshesiniń soltústiginde ornalasqan tórt qabatty ákimshilik ǵımarat kóptegen zańbuzýshylyqtar úshin buzyldy.
Nysan jobanyń saraptamasynsyz salyndy, sonymen qatar bekitilgen bas jospardan aýytqýlar tirkeldi.
Sot talapty alǵash ret Bostandyq aýdandyq sotyna 2020 jyldyń 6 naýryzynda jiberdi. Sot sheshimimen talap aryz qanaǵattandyryldy, alaıda 3 jyldan astam ýaqyt boıy apelásıalyq shaǵymdar men istiń jańa jaǵdaılaryna baılanysty sot talqylaýy jalǵasty.
2021 jylǵy 13 mamyrda memlekettik sot oryndaýshysy menshik ıesine sot sheshiminiń erikti túrde oryndalýy týraly habarlama jiberdi, alaıda menshik ıesi jer ýchaskesin satty, osyǵan baılanysty sheshim oryndalmaı qaıtaryldy.
Almaty qalasy qala qurylysyn baqylaý basqarmasy jer ýchaskesin satyp-alý shartyn jaramsyz dep taný týraly talap aryz berýge bastamashylyq jasady. 2022 jylǵy 27 qańtardaǵy sot sheshimimen mámile jaramsyz dep tanyldy, Almaty qalalyq sotynyń 2022 jylǵy 27 sáýirdegi qaýlysymen sheshim ózgerissiz qaldy.
Buzý kúni taǵaıyndalǵannan keıin sot oryndaýshysynyń áreketterine shaǵym jasaldy jáne úshinshi tulǵa buzý týraly sheshimge Almaty qalalyq sotyna apelásıalyq shaǵym berdi.
Almaty qalalyq sotynyń qaýlysymen apelásıalyq shaǵym qanaǵattandyrýsyz qaldyryldy, biraq keıin ol Joǵarǵy sotta qaraldy. Joǵarǵy sottyń qaýlysymen kasasıalyq shaǵymdy qaraýdan bas tartyldy, sodan keıin sot oryndaýshysy buzý kúnin belgiledi.
Osylaısha, nysandy májbúrlep buzý búgin, 2023 jyldyń 26 shildesinde bastaldy.