Almatydaǵy №11 balalar kolonıasynda "Taza Qazaqstan" ekologıalyq aksıasy aıasynda senbilik ótti.
Almaty qalasy boıynsha QAJD-ǵa qarasty №11 mekemede "Taza Qazaqstan" respýblıkalyq ekologıalyq aksıasy aıasynda 27 sáýir – "Jasyl aımaq" kúnine oraı senbilik uıymdastyryldy.
İs-sharanyń basty maqsaty – mekeme aýmaǵyn abattandyrý, kógaldandyrý jáne ekologıalyq sana qalyptastyrý. Senbilik jumystary mekeme bastyǵynyń tárbıe jumysy jónindegi orynbasarynyń bastamasymen ótti. Mekemeniń jeke quram qyzmetkerleri ǵımarattyń ishki jáne syrtqy aýmaǵyn tazalap, aǵash túpterin áktep, gúlzarlarǵa sándik gúlder otyrǵyzdy. Sonymen qatar kógaldandyrý jumystary aıasynda aǵash kóshetteri egilip, mekeme aýmaǵy ekologıalyq talaptarǵa saı abattandyryldy. Mekeme bastyǵy Almat Súleımenov senbilikke qatysýshylarǵa arnaǵan sózinde tabıǵatty qorǵaý men qorshaǵan ortany taza ustaýdyń árbir azamattyń mindeti ekenin atap ótti.
– Ásem qalamyz Almatynyń tazalyǵyn saqtaý – barshaǵa ortaq is. Ár turǵyn osyndaı senbilikterge belsendi qatysyp, ıgi iske úles qossa, qalamyz kórkeıip, ekologıalyq jaǵdaı da jaqsara túsedi. "Taza Qazaqstan" aksıasy Memleket basshysynyń tapsyrmasyna sáıkes sáýir aıynan bastaý aldy. Bul – qalalar men aýyldyq eldimekenderdi tazartý, abattandyrý jáne kógaldandyrýǵa baǵyttalǵan keń aýqymdy ekologıalyq shara. Barshańyzdy osyndaı izgi bastamalarǵa belsendi qatysýǵa shaqyramyn, – dedi Almat Súleımenov.
Mundaı senbilikter – tek tazalyq sharasy ǵana emes, ujymdyq rýhty arttyryp, tabıǵatty aıalaýǵa tárbıeleıtin mańyzdy is-sharalar. Aksıa jalǵasyn tabady.