Almatyda avtobýs apatqa ushyrap, 16 adam jaraqat alyp, bir adam qaza tapty.
Buǵan deıin, qalada jolaýshylar mingen avtobýstyń apatqa ushyraǵanyn habarlaǵan bolatynbyz.
Polısıa málimetinshe, adam ólimine ákelgen apat boıynsha qylmystyq is qozǵalyp, tıisti saraptamalar taǵaıyndaldy.
«Jol-kólik oqıǵasy 14: 20 mınýtta Almatynyń Almaly aýdanynda boldy. Aldyn ala málimet boıynsha, «Kia» kóliginiń júrgizýshisi Maqataev kóshesimen ońtústik baǵytta ótip bara jatyp, «Sity-Bus» JSHS jeke tasymaldaýshysy qyzmet kórsetetin 18-shi baǵyttaǵy qoǵamdyq kólikpen soqtyǵysyp, artynsha kedergige soǵylǵan», - dep habarlady vedomstvodan.
Apat saldarynan qoǵamdyq kóliktiń 16 jolaýshysy medısınalyq kómekke júginse, bir jolaýshy sol jerde kóz jumdy.