Baıqaý jas mamandardy qoldaýǵa jáne yntalandyrýǵa baǵyttalǵan. Onyń sharttary týraly Almaty qalasynyń óńirlik komýnıkasıalar qyzmetiniń brıfıńinde Almaty qalasy Jastar saıasaty basqarmasynyń ókili baıandady.
«Jas Kenes Siylygy» - Qazaqstan Respýblıkasy Prezıdentiniń janyndaǵy jastar saıasaty jónindegi Keńestiń bastamasymen qurylǵan táýelsiz jastar syılyǵy, dep habarlaıdy Almaty-akshamy.kz.
QR Prezıdenti janyndaǵy Jastar saıasaty keńesiniń múshesi, «Asar Ume» qorynyń basshysy Asqat Nurmashev baıqaý qoǵamnyń mańyzdy salalaryna úlesin qosyp júrgen jas mamandardyń eńbegine nazar aýdarýǵa múmkindik beretinin atap ótti.
«Jas Kenes Siylygy» baıqaýynyń bastalǵanyn jarıalaıtyn kún de jetti. Biz buryn nazardan tys qalyp kelgen sala mamandarynyń arasynan úzdikterin jınaýǵa tyrysamyz. Bul premıanyń ereksheligi sol, basshylyq qyzmetinen tys jas mamandardyń qatysýynda. Baıqaýǵa jıi kózge kórine bermeıtin, kópshilik nazar aýdara bermeıtin qyzmet túrleriniń ókilderi tańdalady. Olar bizdiń aınalamyzda mańyzdy mamandyq ıeleri. Baıqaý barysynda biz úzdikterdiń úzdigin tańdaımyz», - dedi ol.
Brıfıńte sóz sóılegen Almaty qalasy Jastar saıasaty basqarmasy basshysynyń orynbasary Azız Kajdenbek baıqaý jeńimpazdary bir mıllıon teńge kóleminde syılyq alatynyn atap ótti. Bul júldege 35 jasqa deıingi Qazaqstan Respýblıkasynyń azamattary úmitker bola alady.
«Konkýrsqa qatysýǵa ótinimdi 2024 jylǵy 18 maýsym men 18 shilde aralyǵynda jaskenes.kz saıty arqyly berýge bolady. Ótinimder QR Prezıdenti janyndaǵy jastar saıasaty jónindegi keńeste belgilengen merzimde qabyldanady», - dep atap ótti ol.
Syılyq 2024 jyldan bastap jyl saıyn kelesi nomınasıalar boıynsha beriledi:
- «Janqiarlyq», quqyq qorǵaý organdarynyń, avarıalyq-qutqarý qyzmetteriniń jáne qoǵamdyq qaýipsizdik júıesiniń ózge de uıymdarynyń ókilderi úshin;
- «Altyn jürek», orta medısınalyq personal úshin (jedel medısınalyq kómek, akýsherler jáne t. b.);
- «Önerkäsıp», óńdeý ónerkásibiniń, taý-ken metalýrgıa kesheniniń, agroónerkásiptik sektordyń, tamaq ónerkásibi uıymdarynyń, energetıka sektorynyń qyzmetkerleri jáne óndiristik sektordyń basqa da ókilderi úshin;
- «Bolaşaq turaly qamqorlyq», mektepke deıingi, orta, arnaıy orta bilim berý mekemeleriniń pedagogteri, sondaı-aq mamandandyrylǵan qyzmetter kórsetetin ınklúzıvti oqý ortalyqtarynyń qyzmetkerleri úshin;
- «Adamgerşılık», balalar úıleriniń, qarttar úıleriniń, hospısterdiń, janýarlarǵa arnalǵan baspanalardyń jáne osyndaı áleýmettik qyzmetter kórsetetin ózge de uıymdardyń ókilderi úshin;
- «Kömek qoly», zardap shekkenderge jáne Qazaqstanda jáne odan tys jerlerde muqtaj adamdarǵa erikti kómek kórsetýdi uıymdastyrýda ózin kórsetken eriktiler úshin;
- «Bızdıñ üi», komýnaldyq jáne ınfraqurylymdyq qyzmetterdiń ókilderi, PIK, MIB (santehnıkter, elektrıkter jáne t.b.) qyzmetkerleri, sondaı-aq eldi mekenderdiń tynys-tirshiligin qamtamasyz etýge jaýapty ózge de uıymdar úshin.
Kelip túsken ótinimderdi Qazaqstan Respýblıkasy Prezıdentiniń janyndaǵy jastar saıasaty jónindegi keńes músheleriniń qatarynan qurylǵan jáne keminde 7 adamnan turatyn komısıa qaraıdy.
Komısıany onyń músheleri arasynan saılanatyn tóraǵa basqarady. Komısıanyń quramyn Qazaqstan Respýblıkasy Prezıdentiniń janyndaǵy Jastar saıasaty jónindegi keńestiń Tóraǵasy bekitedi. Komısıa otyrysy, eger oǵan músheleriniń jartysynan kóbi qatyssa, zańdy bolyp sanalady.
Syılyq alýǵa usynylǵan kandıdatýralardy Komısıa úsh kezeńde qaraıdy:
- Birinshi, ótinimderdi toltyrýdyń tolyqtyǵy men durystyǵyn tehnıkalyq baǵalaý;
- Ekinshi, Komısıa músheleriniń kelip túsken ótinimderdi jeke qaraýy. Osy kezeń sheńberinde Komısıa músheleri ótinimdi ártúrli kórsetkishter boıynsha on baldyq shkala boıynsha baǵalaıdy. Kandıdat baldarynyń qorytyndy máni komısıanyń barlyq músheleri baǵalaıtyn barlyq kórsetkishter boıynsha baldar somasynyń ortasha mánin esepteý jolymen esepteledi;
- Úshinshi, komısıa múshelerimen oflaın nemese onlaın formatta suhbattasýǵa kandıdattardyń qysqa tizimin (ekinshi kezeńde eń kóp bal jınaǵan kandıdattardyń 10%) shaqyrý. Úshinshi kezeńde Komısıanyń árbir múshesi birinshi orynnan úshinshi orynǵa reıtıń berý arqyly úzdik úsh úmitkerge daýys beredi. Bul rette 1-oryn úshin 5 bal, 2 – oryn úshin – 3 bal, birinshi oryn úshin-1 bal beriledi. Komısıa músheleriniń eń kóp bal jınaǵan eki kandıdat óz nomınasıasy boıynsha jeńimpaz bolyp tanylady.
«Komısıanyń syılyq laýreattarynyń tizbesin bekitý týraly sheshimi komısıa otyrysynda qarapaıym kópshilik daýyspen ashyq daýys berý arqyly qabyldanady. Daýystar teń bolǵan kezde komısıa tóraǵasy daýys bergen sheshim qabyldandy dep esepteledi. Konkýrstyq irikteý nátıjeleri týraly Áleýmettik jeliler, buqaralyq aqparat quraldary jáne ınternet-saıttar arqyly habarlanatyn bolady», - dep atap ótti A.Kajdenbek.
Marapattaý rásimi barysynda syılyqqa ıe bolǵan adamdarǵa tıisti dıplom, aqshalaı syıaqy beriledi, sondaı-aq is-sharanyń seriktesteri men demeýshilerinen qosymsha baǵaly syılyqtar tabys etilýi múmkin.