Almatydaǵy avtobýs apatyna aıypty bolǵan Ánel Sartaeva úıqamaqqa jiberildi, dep habarlaıdy almaty-akshamy.kz.
Bul týraly advokat Qanat Álseıit óziniń áleýmettik jelisinde jarıalady.
Aıta keteıik, 26 maýsymda Almaty qalasynda bolǵan apat kezinde 1 adam qaza taýyp, 16 adam medısınalyq kómekke júgindi.
Tergeý barysynda ol eki aıǵa qamaýǵa alyndy. Belgili bolǵandaı, onyń emizýli balasy bar eken. Ánel Sartaevanyń advokaty jeke shaǵym túsirip, sot ony qanaǵattandyrdy. Sartaeva úıqamaqta bolyp, balasyna qamqorlyq kórsetetin boldy.
Buǵan deıingi qamaýǵa alý túrindegi bultartpaý sharasy joıyldy. Jeke shaǵym tolyǵymen qanaǵattandyryldy. Tergeý kezinde Ánel úıqamaqta bolyp, balasyna qaraıtyn bolady, - dedi Qanat Álseıitov.
Apat kezinde qaıtys bolǵan jigittiń jaqyndary jeńil jaza berýdi suraǵan.