«Astana – Chelsı» machyna bıletterdi satý eki kezeńge bólindi. Birinshi kezeńi bastalmaı jatyp aıaqtaldy, sebebi bıletter tez satylyp ketken, dep habarlaıdy aqshamnews.kz. «Astana» fýtbol klýby ókilderiniń málimdeýinshe, ekinshi satylym áli bastalmaǵan.
Bıletter 24 qarashada satylymǵa shyqty, biraq olar birden satylyp ketti. Machqa kelýshiler sanynyń kóp bolýyna baılanysty satylym saıty elektrondy kezek júıesin engizdi.
«Eýropalyq machtardaǵy tájirıbege jáne Qazaqstan fýtbol federasıasynyń UEFA Ulttar Lıgasy oıyndary kezinde jınaǵan tájirıbesine súıene otyryp, UEFA Konferensıa Lıgasyndaǵy machqa bıletterdi satý eki kezeńmen júrgiziledi. Bıletterdiń ekinshi satylymy jeltoqsan aıynda bastalady», – dep habarlady klýb ókilderi.
FK «Astana» ókilderi bıletterdi satý barysynda árkimge teń múmkindik berý úshin barlyq sharalardy qabyldap jatqanyn atap ótti.