Koronavırýstyq epıdemıologıalyq ahýal turaqsyz.
Almatyda táýlik ishinde monıtorıń toptary karantın talaptaryn buzǵan 14 nysandy anyqtady, onyń ishinde 10-y túngi ýaqytta, dep habarlaıdy Almaty-akshamy.kz.
Quqyq buzýshylarǵa qatysty ákimshilik is qozǵaldy, aıyppul salynady. Almatynyń Sanıtarlyq-epıdemıologıalyq baqylaý departamenti karantın talaptaryn buzǵan mekemelerdi atady.
Máselen, 19 qyrkúıekte Naýryzbaı adanyndaǵy Baqsarai meıramhanasy men «Amelie» kafesi tyıym salynǵanyna qaramastan banketter ótkizgen. Dál osy kúni tekserýshiler Almaly aýdanynyń «Medalón» meıramhanasy men RST stom stomatologıasy qyzmetkerleriniń maska rejımin buzǵanyn anyqtady. Barlyq materıaldar aýdandyq sanıtarlyq-epıdemıologıalyq baqylaý basqarmalaryna jiberildi.
Túnde monıtorıńtik toptardyń ókilderi Áýezov aýdanyndaǵy «Aınur» kafesinde jáne House pub-barynda, Almaly aýdanyndaǵy «Prosseko bar» meıramhanasynda jumys jáne maska rejımin saqtamaı, karantındik sharalardy buzǵanyn anyqtady. Sonymen qatar, tártip buzýshylardyń arasynda Jeltoqsan kóshesindegi «Máta Platıným» laýndj-bary. Brýsılovskıı kóshesindegi «Arsha» meıramhanasy, Medeý aýdanyndaǵy Hookah-dreems bary, Radlov kóshesindegi Loto club, Bostandyq aýdanyndaǵy «Kıshlak» meıramhanasy, Storm jáne Battle palace kompúterlik klýbtary bar.
Almatyda jyl basynan beri 40 myńǵa jýyq obekti tekserildi. Onyń barysynda 3 814 nysannyń tártip buzǵany anyqtaldy. 461 mln teńgeden astam aıyppul boıynsha 5 988 hattama toltyryldy.
Almaty ákimdigi turǵyndardy karantındik talaptardy oryndaýǵa, sanıtarlyq erejelerdi saqtaýǵa shaqyrady, óıtkeni koronavırýstyq epıdemıologıalyq ahýal turaqsyz.