Belsendi bolý ári jarqyn áser alý: Almatyda zeınetkerlerge arnalǵan ekskýrsıalar bastaldy, dep habarlaıdy Almaty-akshamy.kz
Almatyda 26 qazannan 8 qarashaǵa deıin zeınetkerler úshin Almaty qalasy men Almaty oblysynda ornalasqan nysandar boıynsha ekskýrsıalar ótkiziledi. İs-sharalardy Almaty qalasynyń jumyspen qamtý jáne áleýmettik baǵdarlamalar basqarmasy Almaty qalasynyń týrızm basqarmasymen birlesip «Belsendi uzaq ómir» jol kartasy aıasynda iske asyrady. Olardyń maqsaty-egde jastaǵy adamdardy belsendi ómirge tartý, olardyń áleýetin ashý, ómir súrý sapasyn jaqsartý, ǵumyrlarynyń uzaq bolýyna yqpal et,áleýmettik jáne psıhologıalyq jaǵdaılaryn jaqsartý.
«Bul is-sharalardyń aǵa býyn ókilderine qoldaý kórsetýde mańyzy zor. Igi sharalardyń arqasynda egde jandar ózara aralasady, tájirıbe almasady, áńgime- dúken qurady. Olardyń belsendiligin arttyryp, qoǵamnyń mańyzdy músheleri bolýlaryna yqpal etedi», - dep atap ótti Almaty qalasy jumyspen qamtý jáne áleýmettik baǵdarlamalar basqarmasynyń basshysy Baýyrjan Jaýbasov.
26 qazanda Sharyn kanony boıynsha týr ótti-ekskýrsıaǵa 100 adam shyǵaryldy. Saıabaq qyzmetkerleri olarǵa eń ádemi jerlerdi kórsetti, sonymen qatar kanon tarıhyn egjeı-tegjeıli aıtyp berdi. Qatysýshylarǵa ekskýrsıa óte unady. Olar kanonnyń kórnekti jerleriniń birine - qulyptar alqabyna bardy, ol belgisiz alyptar jasaǵandaı munaraǵa uqsaıtyn jartas shógindileri.
Aıta keterligi, kez-kelgen jastaǵy týrıser úshin ulttyq saıabaqtyń aýmaǵynda jaǵymdy demalys úshin barlyq jaǵdaılar jasalǵan. Uzaq serýendeýden keıin týr qatysýshylaryn dámdi túski as kútip turdy.
Zeınetker Baqyt Omarovanyń aıtýynsha, kanonǵa ekskýrsıa ol úshin eleýli oqıǵa boldy jáne ol basqa ekskýrsıalarǵa qýana qatysady.
«Ádemi kórinisten lázzat alý, jaǵymdy emosıalar alý, qarym — qatynas jasaý - bul shynymen de úlken rahat jáne eń jaǵymdy áser qaldyrady. Uıymdastyrýshylarǵa osy tamasha múmkindik úshin alǵys aıtamyn», - dedi ol.
«Baqyttyń ózi jaqsy demalýdan da quralady», - dep tolyqtyrdy zeınetker Raısa Mambetova. Ol uıymdastyrýshylarǵa shyn júrekten alǵysyn bildirdi.
Aldaǵy kúnderi Esik kóli men Almaty qalasy boıynsha týrlar josparlanǵan, onda zeınetkerler jaqsy demalyp, barlyq kórikti jerlermen tanysa alady. Almaty qalasynyń tarıh murajaıyna, Voznesen kafedraldy soboryna, Yqylas atyndaǵy mýzykalyq aspaptar murajaıyna, «Shymbulaq» taý shańǵysy kýrortyna jáne qalanyń basqa da mańyzdy oryndaryna barý kútilýde.