63 jastaǵy er adam qoǵamdyq kólikte uıaly telefon urlaǵan.
Buǵan deıin de qoǵamdyq kólikte osyndaı áreketi úshin sotty bolǵan kúdiktini qalanyń Medeý aýdanynyń jedel ýákilderi ustady, dep habarlaıdy Almaty-akshamy.kz.
Polisia.kz-tiń aqparatyna saı, kúdikti Almaty oblysynyń turǵyny qalanyń ártúrli aýdandarynda bótenniń múlkin urlaýmen aınalysqany belgili boldy.
«1960 jyly týǵan I.esimdi azamat smartfon urlady degen kúdikke ilikti. Sońǵy epızodta Nazarbaev dańǵyly men Raıymbek dańǵylynyń qıylysynda 225-baǵyttaǵy qoǵamdyq kólikke minip bara jatyp, jolaýshynyń qaltasynan IPhone telefonyn urlap ketken. Tergeý aıǵaqtyq negizde jumys istep, kúdiktiniń qalanyń basqa aýdandarynda jasalǵan osyǵan uqsas qylmystarǵa qatysy bar-joǵyn anyqtaýda. Er adam ýaqytsha ustaý ızolátoryna qamaldy. Onyń buǵan deıin de urlyq pen tonaý jasaǵany úshin sottalǵany belgili. Telefon aıǵaqty zat retinde tárkilenip, QR QK-niń 188-baby boıynsha qylmystyq is materıaldaryna qosyldy», – dep habarlady Medeý aýdandyq PB-ǵa qarasty polısıa bóliminiń bastyǵy Ábdinur Tasybaev.
QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi, 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.