Orbıta-4 shaǵyn aýdanyndaǵy Mustafın men Birjan kósheleriniń qıylysynda zańsyz ornatylǵan úsh dúńgirshek súrildi, dep habarlaıdy almaty-akshamy.kz
Qalanyń syrtqy kelbetine nuqsan keltiretin, abattandyrýdy buzatyn, trotýarlar men jol ýchaskelerine qoqys tastaıtyn zańsyz ornatylǵan stasıonarlyq emes saýda nysandaryn (SSN) joıý maqsatynda kásipkerlik jáne ınvestısıalar basqarmasy qala ákimi Erbolat Dosaevtyń tapsyrmasy boıynsha qajetti sharalar qabyldaýda.
Almaty qalasy kásipkerlik jáne ınvestısıalar basqarmasynyń qyzmetkerleri saýda jasaýǵa ruqsat qujattarynyń joqtyǵyn anyqtady. Zańsyz ornatylǵan saýda nysandarynyń ıelerimen túsindirý jumystary júrgizildi, sodan keıin kásipkerler obektilerdi ózderi súre bastady. Menshik ıeleri ózderi buzbasa, zańsyz ornatylǵan stasıonarlyq emes saýda nysandary májbúrli túrde súriletin bolady.
Ádette, zańsyz ornatylǵan dúńgirshekter abattandyrý erejelerin saqtamaı, qala qurylysy, sanıtarlyq-epıdemıologıalyq jáne órtke qarsy normalardy buza otyryp, trotýarlar men jol jıekterinde ornalasqan.
Eske salsaq, Almaty ákimi Erbolat Dosaevtyń tapsyrmasy boıynsha bıyl alǵash ret «Almaty qalasynyń aýmaǵynda jáne qala mańyndaǵy aımaqta stasıonarlyq emes saýda nysandaryn ornatý erejeleri» qabyldandy, onda ssn stasıonarlyq emes saýda nysandaryn ornatý tártibi naqty aıqyndalǵan. Erejelermen tolyǵyraq https://adilet.zan.kz/rus/docs/V23R0001707 silteme arqyly tanysýǵa bolady.