Almatyda alaıaqtyq pen zańsyz kásippen aınalysqan mıkroqarjy uıymdarynyń múlki tárkilendi.
Olardyń kesirinen 327 myńnan astam adam zardap shekken. Keltirilgen zalal mólsheri 30 mlrd teńgege baǵalanyp otyr. Atap aıtqanda, mıkroqarjy uıymdary qaryzy bar boryshkerlerdi sybaılas kompanıalarmen kelisimshartqa otyrýǵa májbúrlegen. Bul rette kepil berýshi qaryz alýshy ólgen jaǵdaıda ǵana jaýapkershilikti moınyna alatyn bolyp shyqty. Oǵan qosa bul qyzmettiń baǵasy bastapqy zaemnyń qunynan asyp túsip, boryshkerlerdi odan saıyn qaryzǵa batyrǵan. Qazir osyndaı alty birdeı uıymǵa qatysty tergeý amaldary jalǵasyp jatyr.
Erjan Taıjan, QR Qarjylyq monıtorıń agenttiginiń resmı ókili:
- Búgingi tańda mıkroqarjy uıymdarynyń esepshottaryna 1,8 mlrd teńge kóleminde tyıym salyndy. Sondaı-aq 30 mlrd teńge mólsherinde nesıe portfeline shekteý qoıyldy. Mıkroqarjy uıymdarynyń uıymdastyrýshysy eki aıǵa qamaýǵa alyndy. Onyń jalpy quny 225 mln teńge kólemindegi eki turǵyn úıi men BMW X6, Toyota Tundra markaly avtokólikterine tyıym salyndy.