Sheteldik azamattar shekara qyzmetine tapsyryldy.
Almatyda zańsyz júrgen sheteldikter elden shyǵaryldy, dep habarlaıdy Almaty-akshamy.kz Polisia.kz-ke silteme jasap.
Almaty qalasynyń kóshi-qon qyzmeti arnaıy jergilikti is-shara aıasynda Ózbekstan Respýblıkasynyń 18 azamatyn jáne Tájikstannyń 2 azamatyn otanyna qaıtarǵanyn habarlady.
«Bul sheteldikter kóshi-qon zańnamasyn buzǵany úshin Almaty qalasy sotynyń qaýlysymen Qazaqstan Respýblıkasynan shyǵaryldy. Tasymaldaý Ózbekstan shekarasyna deıin arnaıy avtobýspen júzege asyryldy. Sheteldik azamattar shekara qyzmetine tapsyryldy. Jalpy, is-sharanyń 4 kúninde kóshi-qon zańnamasyn buzǵan 820 adam ákimshilik jaýapkershilikke tartyldy, onyń 385-i sheteldik», – dedi Almaty qalalyq PD Kóshi-qon qyzmeti basqarmasynyń bastyǵy Asqat Býtýnchınov.
PD bólimshesiniń málimeti boıynsha, «Nelegal» JAİ-nyń 4 kúniniń ishinde elden 38 sheteldik shyǵaryldy. Sonymen qatar, sheteldikterdiń QR bolýynyń zańdylyǵyn qamtamasyz etý sharalaryn qoldanbaǵany úshin 413 qabyldaýshy tarap ákimshilik jaýapkershilikke tartyldy. Qazaqstan Respýblıkasyna sheteldik jumys kúshin tartý erejelerin buzǵan 22 jumys berýshige aıyppul salyndy.