Almatyda ateleden 5 mln teńgeniń múlki qoldy bolǵan.
Áýezov aýdandyq polısıasynyń málimetinshe, Raıymbek dańǵylynda ornalasqan ateleden shamamen 5 mıllıon teńgeniń múlki urlanǵan, dep habarlaıdy Almaty-akshamy.kz Polisia.kz-ke silteme jasap.
«Qylmys kúndiz, saǵat 10:00-den 12:00-ge deıingi aralyqta oryn alǵan. Belgisiz adam erkin túrde keńsege kirip, sol jerden múlikti urlap, jalpy somasy 4 mln 700 myń teńge materıaldyq shyǵyn keltirgen. Atalǵan derek boıynsha qylmystyq is QR QK-niń 188-baby 3-bóligimen sotqa deıingi tergeýdiń biryńǵaı tizilimine tirkeldi. Bul qylmysty ashý maqsatynda jedel tergeý toby quryldy. Kúdiktiler polısıanyń arnaıy jasaǵynyń kómegimen júrgizilgen arnaıy is-sharanyń nátıjesinde qaladaǵy bazarlardyń birinde ustaldy», – dedi Áýezov aýdandyq polısıa basqarmasynyń bastyǵy Ulan Ábilqaıyr.
Kúdiktilerdiń ekeýi de - Túrkistan jáne Almaty oblystarynan kelgender. Olardyń jasy 25 pen 29-da. Qazir kúdiktilerdiń jeke basy basqa da qylmystarǵa qatysy bar-joǵyna tekserilýde.