Almatydaǵy qurylys nysandarynyń birinde zańsyz jumys istep júrgen Ózbekstan men Nıgerıa azamattary anyqtaldy.
Polısıa qyzmetkerleri “Quqyqtyq tártip” respýblıkalyq jedel aldyn alý is-sharasy aıasynda tekserý júrgizdi, dep hbarlaıdy Almaty-akshamy.kz.
«Medeý aýdanynda sheteldik jumys kúshi zańsyz paıdalanylǵan qurylys nysany anyqtaldy. Atap aıtqanda, onda Ózbekstannyń 13 azamaty jáne Nıgerıanyń 2 azamaty jumys istegen. Olar ózderiniń eńbek qyzmetin zańsyz júrgizgen jáne jeke basyn kýálandyratyn qujattary bolmaǵan. Atalǵan sheteldikter PD-nyń qabyldap-taratýyna ornalastyryldy. Sonymen qatar tergeý barysynda Áýezov aýdanynyń polısıa qyzmetkerleri Tájikstan azamatynyń jolaýshylardy zańsyz tasymaldaý deregin anyqtady. Belgili bolǵandaı, 27 jastaǵy K.esimdi azamat taksıde jumys istegen: ol mobıldi qosymsha arqyly tapsyrys alyp, jeke tasymaldaýmen aınalysqan. Ol ózi jalǵa alǵan kólikte túnep júrgen», – dedi Almaty qalalyq PD kóshi-qon qyzmeti basqarmasynyń bastyǵy Asqat Býtýnchınov.
Sheteldik azamatqa qatysty QR ÁQBtK-niń 517-baby 5-bóligine sáıkes ákimshilik is qozǵaldy. Sot ony Qazaqstan Respýblıkasynan shyǵaryp jiberý týraly sheshim qabyldady. Sondaı-aq kólik ıesi QR ÁQBtK-niń 519-baby 1-bóligi boıynsha jaýapkershilikke tartyldy.