700-den astam jabdyq tabylyp, tárkilendi
Bul týraly QR Qarjylyq monıtorıńi agenttigi (QMA) málimdedi, dep habarlaıdy Almaty-akshamy.kz.
«QMA-nyń Almaty boıynsha aýmaqtyq departamenti qala prokýratýrasymen birlesip, QR zańnamalyq aktileriniń normalaryna qaıshy sıfrlyq maınıng qyzmetin júzege asyrǵan Almaty ındýstrıalyq aımaǵynyń aýmaǵynda ornalasqan maınıngtik fermany anyqtady»,- delingen habarlamada.
Tergeý sotynyń sanksıasymen tintý júrgizý barysynda alty konteınerden maınıngtik ferma tabyldy, onda sandyq krıptovalúta óndirisine arnalǵan shıfrlaýshy kesheni bar 700-den astam jabdyq tabylyp, tárkilendi.
«Qazirgi ýaqytta tergeý sharalary júrgizilip jatyr, saraptamalar taǵaıyndaldy»,-delingen habarlamada.