Kásiporyndardyń barlyǵy jyl sońyna deıin ashylady
Elimizde bıyl azyq-túlik ónimin shyǵaratyn 5 kásiporyn ashylady. Ony salýǵa 15 mlrd teńge jumsalǵan, dep habarlaıdy Almaty-akshamy.kz LS saıtyna silteme jasap.
Aýyl sharýashylyq mınıstrliginiń málimetinshe, jańa jobalar Nur-Sultan qalasynda, Batys Qazaqstan, Pavlodar, Jambyl jáne Qyzylorda oblystarynda iske qosylady. Bul nysandarda 632 jumys oryny qurylady.
Sondaı-aq elordada 1,7 mlrd teńge turatyn 3 kásiporyn salynady. Olardyń jalpy kúshi jylyna 15,7 myń tonna ónim shyǵarýǵa qaýqarly. Ol jerde 350 adam jumyspen qamtylady. Bul nysandar 2022 jyldyń naýryz, masym jáne jeltoqsan aılarynda iske qosylady dep josparlanyp otyr.
Osy sıaqty taǵy úsh joba Qyzylorda oblysynda iske qosylady. Oǵan bólingen ınvestısıa 1,9 mlrd teńge. Mınıstrliktiń málimetinshe, bul nysandardyń ashylýy osy jyldyń kóktemi men kúzine josparlanǵan. Al, Batys Qazaqstan oblysynda salynyp jatqan azyq-túlik kásiporynyna 11 mlrd teńge tartylǵan. Ol jylyna 6,2 myń tonna ónim óndirýge qaýqarly.
Sonymen qatar Taraz qalasynda da jylyna 2,1 myń tonna ónim shyǵaratyn kásiporyn salynyp jatyr. Onyń ashylýy kúzge belgilengen. Bul óndiris orynyn salýǵa 320 mln teńge tartylǵan. Kásiporynda 170 adam jumys isteıtin bolady. Al, Pavlodar oblysynda osy jyldyń sońyna qaraı azyq-túlik ónimán shyǵaratyn óndiris oryny ashylady. Jylyna 13 myń tonna ónim shyǵaratyn bul kásiporyndy salýǵa 84 mln teńge tartylǵan. Ol jerde 50 jumys oryny qurylady.