Ol osyǵan uqsas 8 urlyq jasaǵanyn moıyndady.
Almatyda 10 shaqty velosıped urlaǵan jambyldyq ustaldy, dep habarlaıdy Almaty-akshamy.kz Polisia.kz-ke silteme jasap.
Ustalǵan 27 jastaǵy Jambyl oblysynyń turǵyny osyǵan uqsas 8 urlyq jasaǵanyn moıyndady.
«Bul epızodtar bir óndiriske biriktirilip, qylmystyq is tergelýde. Qaskóı qysqa merzimde birneshe ret velosıped urlaǵan. Ustaý sharasyn bizdiń bólimsheniń krımınaldyq polısıa qyzmetkerleri júrgizdi. Negizinen urlyq kóp qabatty turǵyn úılerdiń jáne turǵyn úı keshenderiniń kireberisterinde oryn alǵan. Kúdikti kireberisterge kirip, eki dóńgelekti kólik quraldaryn urlaǵan. Odan keıin urlanǵan velosıpedterdi arzan baǵaǵa satyp jibergen», – dedi Bostandyq aýdandyq polısıa basqarmasynyń bastyǵy Dýman Aýhadıev.
Qazirgi ýaqytta ustalǵan azamattyń osyǵan uqsas ashylmaǵan qylmystarǵa qatysy bar-joǵyn tekserý jumystary júrgizilýde. Polısıa qyzmetkerleri azamattardy ustalǵan adamnyń sýretine muqıat qaraýǵa shaqyrady. Tanyǵan adamdar myna telefon nómirlerine habarlasýlary qajet: 254-47-02; 254-47-04; 254-47-41.