Qala ákimi Baqytjan Saǵyntaev «Almaty» TA-daǵy Akimat Live baǵdarlamasy barysynda qalalyqtardyń suraqtaryna jaýap berip, velosıped ınfraqurylymyn damytý josparlarymen bólisti, dep habarlaıdy almaty-akshamy.kz
Qalada 77,2 shaqyrym veloınfraqurylymy abattandyryldy, onyń 21,5 shaqyrymy - velojolaqtar, 55,6 shaqyrymy - velojoldar. «Orbıta» shaǵynaýdanynan Kók bazarǵa deıin aınalmaly úzilissiz velobaǵyt jasaldy.
Jol qozǵalysyna qatysýshylardy qorǵaý jáne qaýipsizdigin qamtamasyz etý maqsatynda velojoldaryn júris bóliginen ajyratatyn 2 myńnan astam jol blokatorlary ornatyldy.
Qazirgi kezde Almaty qalalyq mobıldilik basqarmasy «Kólik jáne komýnıkasıa ǵylymı-zertteý jáne jobalaý ınstıtýty» JSHS-men birlesip, qalanyń Velo jáne jaıaý júrginshiler ınfraqurylymyn damytý strategıasyn ázirleýde.
Strategıanyń basty maqsaty – halyqtyń mıkromobıldiligi men salaýatty ómir saltyn nasıhattaý; balamaly kólik túrlerine qolaıly jaǵdaılar jasaý; ekologıalyq taza kólik túrlerine kóshý; tynysh jáne qosymsha aımaqtardy qamtıtyn velo jelilerin qosý.
Qala turǵyndarynyń ótinishteri boıynsha Strategıaǵa balalar men jasóspirimderge velosıpedpen kóshe boıymen qaýipsiz qozǵalýdy úıretý engizildi.
Strategıany iske asyrý aıasynda 2030 jylǵa deıin 185 shaqyrymnan astam velo ınfraqurylymyn abattandyrý jáne onyń uzyndyǵyn 2,5 esege, ıaǵnı 262,8 shaqyrymǵa deıin arttyrý josparlanǵan. 2024 jyly - 190,9 shaqyrym, 2026 jyly - 223,6 shaqyrym, 2030 jyly - 262,8 shaqyrymǵa deıin.
Aıta keterligi, AlmatyBike velotizbegi modernızasıadan ótip jatyr. Velopark 1760 velosıpedten jáne 187 beketten turady. 480 velosıpedke kúrdeli jóndeý júrgizildi, olar jelige shyǵaryldy. 7 tamyzǵa deıin qosymsha 250 velosıpedti jóndeý josparlanǵan.
Osy jyly júıede qoldanýshylarǵa qyzmet kórsetý úshin jańa AlmatyBike mobıldi qosymshasy men CRM júıesin ázirleý josparlanyp otyr. Bul qoldanýshylarǵa onlaın rejıminde AlmatyBike-te tirkelýge jáne satý bólimderine barý qajettiligin joıýǵa múmkindik beredi.
Júıege 50 myńnan astam qoldanýshy tirkelgen. AlmatyBike qyzmetin shamamen 2,9 mıllıon ret qoldanyp, 6 mıllıon shaqyrymnan astam jol júrilgen. 2021 jyldyń birinshi jarty jyldyǵynda AlmatyBike qyzmetin 342 myń ret qoldanyp, 685 myń shaqyrym júrip ótildi.