28 jastaǵy Jangeldi Qalıev úzdik patrúldik polısıa qyzmetkeri atandy.
Ol polısıada tórt jyldan beri qyzmet etip keledi. Alaıda jumysqa kirgenine kóp bolmasa da qyzmetke erekshe kózge tústi, dep habarlaıdy Almaty-akshamy.kz Polisia.kz-ke silteme jasap.
«Birinshiden, ol óte ádepti, eńbekqor jáne jan-jaqty. Onyń qyzmet kestesi tyǵyz bolǵanymen, kásibı sportpen aınalysýǵa ýaqyt pen kúsh-qýat tabady. Ol – jaýyngerlik sambodan halyqaralyq dárejedegi sport sheberi. Ony ujym erekshe qurmetteıdi. Biz ony ózgelerge úlgi etip kelemiz», – dedi Almaty qalasy PD JPQB patrúldik polısıa polkiniń komandıri Oralbek Ahımov.
«Almaty qalasynyń úzdik patrúldik polıseıi» baıqaýyna barlyǵy 8 ınspektor qatysty. Qazylar alqasy olardyń atys jáne dene daıyndyǵyna, Qazaqstan Respýblıkasynyń zańnamasyn bilýine, kólik júrgizý daǵdylaryna jáne alǵashqy medısınalyq kómek kórsetýlerine basa nazar aýdardy. Aıtpaqshy, Almatynyń úzdik patrúldik qyzmetkeri osy attas respýblıkalyq baıqaýda shahar namysyn qorǵaıdy.