Baǵdat Mýsın: Qazaqstandyq IT-naryq-bul qazirdiń ózinde 10 myńnan astam IT-kompanıalar men osy salada jumys isteıtin 150 myń adam
«Digital Almaty-2023» halyqaralyq sıfrlyq forýmynyń saltanatty ashylýynda sıfrlyq damý, ınovasıalar jáne aeroǵarysh ónerkásibi mınıstri Baǵdat Mýsın sóz sóıledi, dep habarlaıdy Almaty-akshamy.kz.
«Digital Almaty» búginde bıznes ókilderiniń, halyqaralyq sarapshylar men IT-qoǵamdastyq kezdesetin biregeı alańǵa aınaldy. Basty basymdyqtarymyzdyń biri - IT-salany damytý. Qazaqstandyq IT-naryǵy - bul qazirdiń ózinde 10 myńnan astam IT-kompanıalar men osy salada jumys isteıtin 150 myń adam. IT-ındýstrıada jumys isteıtin bir adam aralas salalarda 3 jumys ornyn uıymdastyrady», - dedi Baǵdat Mýsın.
Ol forýmda IT-ındýstrıanyń zamanaýı tendensıalary ǵana talqylanyp qoımaı, sonymen qatar ony tájirıbede qoldaný úshin eń tıimdi sheshimder pysyqtalatynyn atap ótti. Mınıstr qazirgi zamanaýı álemde IT kóptegen mindetterdi oryndaýǵa kómektesetinin jáne jaıly ómir súrýge barynsha jaǵdaı jasaıtynyn atap ótti. Sondyqtan bizdiń memleket ekonomıka salasynda nemese jalpy prosesterde ǵana emes, oǵan qosa azamattar ómiriniń barlyq kezeńderinde bıznes-prosesterin sıfrlyq transformasıalaý jumystaryn belsendi túrde júrgizýde.
Almaty ákimi Erbolat Dosaev óz sózinde Almatyny Qazaqstannyń eń iri megapolısi ekenin jáne Almatynyń sıfrlyq transformasıada senimdi farvater retinde atap ótti. Qalaǵa sıfrlandyrýdy engizý deńgeıi Qazaqstandaǵy eń joǵary kórsetkishke ıe: memlekettik qyzmetterdiń 96% -y sıfrlyq formatta kórsetiledi jáne bul kórsetkish udaıy ósip keledi.
«Almatyny odan ári damytý jáne qalany basqarýdy jaqsartýǵa múmkindik beretin platformalyq sheshimder mańyzdy joba bolyp tabylady. Bul - qalanyń biryńǵaı derekter qoımasy jáne geoanalıtıkanyń biryńǵaı platformasy. Biryńǵaı beınemonıtorıng júıesi bıyl Almatynyń 80% -yn qamtıdy. Bul sıfrlandyrý úshin jasalatyn sıfrlandyrý emes, bul áýeli qalada jaıly orta qurý jáne qala turǵyndary men qonaqtarynyń qaýipsizdigin qamtamasyz etý», - dep atap ótti Dosaev.
Digital Almaty - bul sıfrlyq kún tártibin, sıfrlyq transformasıanyń jańa strategıalaryn jáne sıfrlyq tehnologıalar salasyndaǵy trendterdi talqylaýǵa arnalǵan dástúrli dıalog alańy. Forým 2018 jyldan bastap besinshi ret ótkizilip keledi. İs-sharany QR sıfrlyq damý, ınovasıalar jáne aeroǵarysh ónerkásibi mınıstrligi, QR Syrtqy ister mınıstrligi, Almaty qalasynyń Ákimdigi, Tech Garden jáne Astana Hub uıymdastyrady. Sponsorlar: Freedom Holding Corporation, CITIX, Jusan Bank, Bereke Bank, Kcell, Eurasian Resources Group/Business & Technology Services, AppStream, Tele2/ALTEL, Halyk Bank, Kazakhtelecom, ALSI Integrations, Dell Technologies, Nurbank, VK Cloud. Aqparattyq seriktester: Kapital.kz, Kursiv.media, LSM.kz, NUR.kz, STEPPE, Zakon.kz, CITIX, HeadHunter.kz, Sxodim.com, Qamalladin Media, The Astana Times, WEproject.media, DigitalBusiness.kz, BlueScreen.kz, THE TECH, Limon.kg, Manas.news, DKNews.kz, Armenpress, MyBusiness.kz