Ol polısıaǵa belsendi túrde qarsylyq kórsetip, pyshaqpen tap bergen.
Bul áıel qylmystyq jaýapkershilikten bosatýǵa kómektesemin dep, birneshe adamdy aldaǵan, dep habarlaıdy Almaty-akshamy.kz qalalyq polısıa departamentine silteme jasap.
36 jastaǵy áıel qylmystyq jaýapkershilikten bosatýǵa yqpal jasaımyn dep, birneshe adamdy aldaǵan. Olardyń biri oǵan 20 myń dollar bergen. Almatynyń taǵy bir turǵyny qylmystyq quqyq buzýshylyqtyń kvalıfıkasıasyn ózgertýge tapsyrys beripti. Sol úshin 2,5 mıllıon teńgesin ustatqan. Artynan ekeýi de polısıaǵa aryz túsirgen. Al alaıaq áıeldi ustaý kezinde tártip saqshylary jaraqat alyp qala jazdaǵan.
«M.esimdi áıel qala ortalyǵynda ustaldy. Ol polısıaǵa belsendi túrde qarsylyq kórsetip, pyshaqpen tap bergen. Biraq eshteńe shyqpady. Odan keıin qatty aıǵaılap, ótip bara jatqandardyń nazaryn aýdarýǵa tyrysty», - deıdi polıseıler.
Qazirgi kezde Qylmystyq kodekstiń 190-baby, 4-bóligi (Asa iri kólemde alaıaqtyq) boıynsha sotqa deıingi tergeý sharalary bastaldy. Mundaı qylmys úshin bes jyldan on jylǵa deıingi merzimge bas bostandyǵynan aıyrý jazasy qarastyrylǵan. Kináli adamnyń múlki tárkilenedi.
Tártip saqshylary ustalǵan áıeldiń osyǵan uqsas basqa da qylmystarǵa qatysy bar-joǵyn tekserip jatyr. Onyń áreketinen zardap shekkender 8-708-707-92-02 jáne 8-775-774-44-41 telefondary arqyly habarlasa alady.