Saın kóshesi – Móńke bı kóshesi aıyryǵy boıynsha jobaǵa túzetý júrgizilýde
Sonymen qatar, Abaı, Saın jáne Áýezov kóshelerin uzartý jumystary júrgizilýde. Bul týraly Óńirlik komýnıkasıalar qyzmetiniń brıfıńinde Almaty qalasy qalalyq mobıldilik basqarmasynyń basshysy Ǵanı Myrzahanov málimdedi, dep habarlaıdy Almaty-akshamy.kz.
Ǵ.Myrzahanovtyń aıtýynsha, Almatyda Buqtyrma kóshesi – Qulja traktisi, Seıfýllın dańǵyly – Jansúgirov kóshesi jáne Saın kóshesi – Móńke bı kóshesi úsh jolaıyryqtyń qurylysy jalǵasýda.
Buqtyrma kóshesi – Qulja traktisi jolaıyryǵynda jumystar kestege sáıkes júrgizilýde. Qala men oblys aýmaǵy boıynsha satyp alý tolyǵymen aıaqtaldy. Birinshi jartyjyldyqtyń sońyna deıin estakada men sıezer salý boıynsha qurylys-montaj jumystaryn aıaqtaý, sol arqyly kóliktiń barlyq baǵyttarda júrýin qamtamasyz etý josparlanýda. Abattandyrýmen qosa tolyq aıaqtaý 2022 jyldyń sońyna deıin josparlanyp otyr.
«Seıfýllın dańǵyly men Jansúgirov kóshesiniń qıylysyna keletin bolsaq, onda da satyp alynǵan jol telimderinde jumystar júrgizilýde. Degenmen, jeti ýchaske satyp alynǵan joq. Atalǵan ýchaskeler boıynsha sot rásimderi júrgizilýde. Qurylys-montajdaý jumystary osy ýchaskelerdi satyp alý shamasyna qaraı oryndalatyn bolady. Jumystardy tolyq aıaqtaý 2023 jylǵa josparlanǵan», - dep atap ótti Almaty qalasy qalalyq Mobıldilik basqarmasynyń basshysy
Saın kóshesi – Móńke bı kóshesi aıyryǵy boıynsha jobaǵa túzetý júrgizilýde. Bıylǵy jyly osy jol aıryǵy boıynsha qozǵalys ashý josparlanýda, al jumystardy tolyq aıaqtaý 2023 jylǵa josparlanǵan.
Spıkerler uzyndyǵy 6,4 km Abaı dańǵyly, Saın kóshesi jáne Áýezov kóshesi dep atalatyn úsh kósheni tesý jáne uzyndyǵy 4,5 km (1 ýchaske – 2,2 km, 2 ýchaske – 2,3 km) Tóle bı kóshesi boıynsha eki ýchaskeni tesý týraly aıtty.
Abaı dańǵylyn tesý boıynsha birinshi jartyjyldyqtyń sońyna deıin jer ústi jaıaý júrginshiler ótkelderin ornatý men abattandyrýdy aıaqtaý josparlanýda. Sondaı-aq, Almaty oblysynyń ákimdigimen birlesip Abaı dańǵylyn ÚAAAJ-ǵa deıin uzartý jumystary bastalady.
Saın kóshesiniń Rysqulov dańǵylynan Móńke bı kóshesine deıingi aralyǵy 3,2 km quraıdy, uzyndyǵy 1,6 km ýchaskeniń daıyndyǵy 70% quraıdy. Basqa ýchaskede 67 jer ýchaskesi satyp alýǵa túsedi, onyń 54-i satyp alyndy, qalǵan 13 ýchaske boıynsha jumys iselýde. Qazirgi ýaqytta satyp alynǵan ýchaskelerdi buzý jáne materıaldardy daıyndaý boıynsha jumystar júrgizilýde. Tolyq aıaqtaý 2023 jylǵa josparlanǵan.
Áýezov kóshesin Gogol kóshesinen bastap soltústik baǵytta Gogol kóshesiniń qıylysynda jol tósemin jáne jabynnyń tómengi qabatyn ornatý, ınjenerlik jelilerdi qaıta ornatý jáne baǵdarsham obektisin salý jumystary oryndaldy. Jalpy uzyndyǵy 0,8 km. Jumystyń tolyq aıaqtalýy 2022 jyldyń birinshi jartyjyldyǵynyń sońyna josparlanǵan.
Ǵ.Myrzahanov Iassaýı kóshesinen qala shekarasyna deıin batys baǵytta uzyndyǵy 4,5 km bolatyn Tóle bı kóshesiniń qurylysy bastalǵanyn habarlady. Obektiniń qurylysyna bólingen shekaraǵa 270 menshik ıesiniń jyljymaıtyn múlki túsedi, onyń ishinde 29 obekti satyp alyndy, qalǵan 241 ýchaske boıynsha jumys júrgizilýde. Daıyndyq jáne jumyldyrý jumystary men materıaldardy daıyndaý júrgizilýde. Aǵymdaǵy jyly Alataý dańǵylynan «Alma Sıtı» TÚK-ge deıin jol jumystaryn oryndaý jáne ınjenerlik jelilerdi qaıta ornatý josparlanýda. Tolyq aıaqtaý jer ýchaskelerin satyp alý (alyp qoıý) boıynsha 2023-2024 jyldarǵa josparlanǵan.