Qalany órtten óz keýdesimen qorǵady
Qalyptasqan dástúr boıynsha, Almaty qalasy TJ Departamentinde jyl saıyn 20 mamyrda qaza tapqan órt sóndirýshilerdi eske alý Qurban bolǵandardyń rýhyna bir mınýttyq únsizdik jarıalanady, dep habarlaıdy Almaty-akshamy.kz.
Osydan otyz úsh jyl buryn 1989 jylǵy 20 mamyrda Almaty qalasynda tarıhtaǵy iri tehnogendik sıpattaǵy apat oryn aldy. Ondaǵan qurbandar, órtengen úıler men qıraǵan tehnıka.
«Almaty-2» temir jol vokzalynyń kireberis joldarynda eki manevrlik teplovozdar soqtyǵysqan, soqtyǵys saldarynan gaz toltyrylǵan 6 sısternanyń 1-ýi zaqymdanady, nátıjesinde órt paıda bolyp, jalyndaǵan órt ekinshi sısternany qyzdyryp jiberedi. Qatty qyzý saldarynan joıqyn gaz jarylysy oryn aldy. Úsh júz metrge deıin kóterilgen órtti shar mańaıyndaǵylardy tolyqtaı jaýyp tastady.
Órt sóndirýshiler ózderiniń batyrlyǵy men batyldyqtarynyń arqasynda, jeke quramdaǵy qaıtara almaıtyn shyǵyndarǵa qaramastan, gaz toltyrylǵan tórt sısternany qaýipsiz jerge aparyp, oqıǵa oryn alǵan jerge jaqyn ornalasqan úı-jaılardy órtten qorǵap, qalamyzdyń kóptegen azamattarynyń ómirlerin saqtap qaldy.
Jarylystyń epısentrinde bolǵan barlyq órt sóndirýshiler qatty jaraqat alǵan, sonyń ishinde ishki qyzmettiń kishi serjanty Iskakov E.K. qatty jaraqat alyp, joldastarynyń aldynda kóz jumady.
Sharıpov Frıd jáne onyń joldastary eń aýyr kúıik alsa da, ony jedel járdem alyp ketpegenshe ol óz tobyna sońyna deıin buıryq berip órtpen kúrese bergen. Onymen birge órt sóndirý kúzetiniń sarbazdary da sońǵy demi qalǵansha kúresken. Biraq órtten alǵan jaraqattary sapta turýǵa shydatpady. Oqıǵa ornynan aýyr jaraqat alǵan halde Ilshat Safarǵalıevti, Kuralhan Akkýlovty, Mıhaıl Malıkovty, Seıl Alımtaevty, Vladımır Nıkýlenkony alyp shyqqan.
Órt sóńdirýshilerdiń batyrlyqtary men jankeshtilikteriniń arqasynda basqa órt bolǵan joq. Keshki saǵat 22:20-da órt áli de laýlap janyp jatqan, al 21 mamyr kúni saǵat túngi 1:45-te tolyqtaı órtti sóndirildi. Ortalyq órt sóndirý baılanys pýnktiniń dıspecheri sońǵy jazbany jazyp aldy. Órtpen jankesherlik oqıǵa birneshe ýaqytqa sozyldy. Órt sóndirýshiler bul jaǵdaıdy jeńdi, biraq kóptegen qyzmetkerlerden aıyryldy. Abdranov Islam, Kasymov Rasýl, Erkin Ysqakov qaıtys boldy, al basqa órt sóndirý qyzmetkerleri aýyr jaraqat alyp jatty. Aýyr jaraqat alǵan órt sóndirý qyzmetkerleriniń ómiri úshin respýblıkamyzdaǵy myqty dárigerler kúresti, Almatyda búkilodaqtyq kúıik ortalyǵynyń is-saparyndaǵy mamandarda kúresti.
Qazaq SSR Mınzdravynda jasalǵan úılestirýshi jáne jumys oryndary kúni-túni jumys jasady. Almaty garnızonynyń jeke quralǵan toptary kúni-túni aýrýhanda kezekshilikte boldy jáne kez-kelgen ýaqytta qoldan kelgendi aıaǵan emes. Sonda da qaıǵyly jańalyqtardy jetkizý jalǵasa berdi. Aýrýhanada Frıd Sharıpov, Ilshat Safargalıev, Kýralhan Akkýlov, Mıhaıl Malıkov, Seıl Alımtaev, Vladımır Nıkýlenko qaıtys boldy.
Bul jeńis ońaılyqpen kelmedi– tilsiz jaýdan bizdiń 9 áriptesterimiz órtten alǵan kúıikterdiń nátıjesinde qaıtys boldy, olar ózderiniń kásibı mindetterin múltiksiz oryndady.
KSRO Joǵarǵy Keńesi Prezıdıýmynyń Jarlyǵymen joıqyn órtti sóndirý kezindegi janqıarlyq áreketteri, batyldyq pen erlikteri úshin batyrlar: Ilshat Safarǵalıev, Rasýl Qasymov, Seıil Álimtaev, Islam Abdranov, Frıd Sháripov, Quralhan Aqqýlov, Erkin Ysqaqov, Vladımır Nıkýlenko jáne jáne Mıhaıl Malıkovke qaıtys bolǵannan keıin Qyzyl Juldyz Ordeni berildi.
Almaty qalasy Tótenshe jaǵdaılar Departamentinde qalyptasqan dástúr boıynsha jyl saıyn 20 mamyrda Almaty-2 temir jol vokzalynyń kirme temir joldaryndaǵy órtti sóndirý kezinde qaza bolǵan órt sóndirýshilerdi eske alý qurmetine arnalǵan sharada jańadan jumysqa qabyldanǵan 50 órt sóndirýshi-qutqarýshylar qatysty
Qalyptasqan dástúr boıynsha, Almaty qalasy TJ Departamentinde jyl saıyn 20 mamyrda qaza tapqan órt sóndirýshilerdi eske alý Qurban bolǵandardyń rýhyna bir mınýttyq únsizdik jarıalanady.
İs-sharaǵa órt sóndirýshiler, órtke qarsy qyzmet ardagerleri, sondaı-aq, qaza bolǵan órt sóndirýshilerdiń balalary men týystary qatysty.
Qaza bolǵan órt sóndirýshi batyrlardyń jasaǵan erlikteri Almaty garnızonynyń órt-qutqarýshylary úshin máńgilik qyzmet kórsetý úlgisi bolyp qala beredi.