35 jastaǵy er adam tek jeke sektorda jáne túnde ǵana urlyq jasaýmen aınalysqan.
Mundaı derekti Almaty qalasy Medeý aýdandyq polısıasy keltirgen, dep habarlaıdy aqshamnews.kz.
– Tergeýdiń osy kezeńinde kúdiktiniń urlyqtyń úsh deregine qatysy bar ekeni belgili boldy. Ol onyń ekeýin Dýman shaǵyn aýdanynda jasaǵan. Birinshi jaǵdaıda er adam jeke turǵyn úıdiń aýlasynan velosıped urlap ketse, ekinshisinde kóliktiń ishinen 1,2 mln teńgeni jymqyrǵan. Epızodtardyń kópshiliginde kúdikti bóten adamdardyń aýlalaryna qulyptanbaǵan qaqpalardy erkin ashyp kirgen. Bul jeke sektorǵa tán bolýy múmkin, biraq qaýipsiz emes. Sondyqtan osy sátti paıdalana otyryp, azamattardy múliktik qaýipsizdik sharalaryn kúsheıtýge shaqyramyn, – dedi Medeý aýdandyq PB-ǵa qarasty polısıa bóliminiń bastyǵy Ábdinur Tasybaev.