Almatyda urlyq jasaǵan azamattar beınekameralar arqyly qolǵa tústi.
Satýshy bazarda satyp alýshynyń biri 300 myń teńge turatyn altyn buıymdaryn urlap ketkendigi týraly polısıaǵa aryzdandy. Satyp alýshynyń áreketi beınebaqylaý kamerasyna túsip qalǵan. İzdestirý sharalary barysynda Qaraǵandy qalasynyń turǵyny 39 jastaǵy J.esimdi azamatsha ustaldy, dep habarlaıdy Almaty-akshamy.kz Polisia.kz-ke silteme jasap.
«Bótenniń múlkin urlaýdyń ekinshi deregi saýda úıleriniń birinde oryn alǵan. Onda belgisiz adam kasadan 400 myń teńgeni urlap ketken. Beınejazbada satýshy qyzdyń uıyqtap ketkeni kórinedi. Jas jigit osy sátti paıdalanyp, kasany ashyp, aqshany urlap ketken. Osy qylmysty jasady degen kúdikpen Almaty oblysynyń turǵyny, 25 jastaǵy S.esimdi azamat ustaldy», – dedi, Jetisý aýdandyq polısıa basqarmasynyń bastyǵy Jánibek Shynasylov.
Spıker, sondaı-aq, tergeý barysynda ustalǵan azamatshanyń osyǵan uqsas birneshe urlyq epızodtaryna qatysy baryn atap ótti. Eki aıyptalýshy da óz qylmystaryn moıyndady. Olardyń áreketteri QR QK-niń 188-baby 1-bóligi (Urlyq) boıynsha saralanady. QR QK-niń 201 babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77 baby 3-bólimi, 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.