Almatyda Ulyqbek kóshesiniń bir bóligi ýaqytsha jóndeýge jabylady, - dep habarlaıdy Aqshamnews.kz tilshisi.
Ulyqbek kóshesiniń bir bóliginde ortasha jóndeý jumystary júrgizilýine baılanysty kólik qozǵalysyna ýaqytsha shekteý qoıylady.
25 shilde kúni saǵat 08:00-den bastap 26 shilde kúni saǵat 06:00-ge deıin Momyshuly kóshesinen bastap Saın kóshesine deıingi aralyqta qozǵalys ýaqytsha toqtatylady.
Jóndeý júrgiziletin aýmaqta eskertý belgileri, merdiger uıym basshysynyń baılanys málimetteri kórsetilgen taqtalar ornatylady. Marshrýtyńyzdy aldyn ala josparlaýyńyzdy suraımyz.
Esterińizge sala keteıik, qozǵalysty shekteý qoıýǵa qatysty barlyq aqparat @AlmatyJoly Telegram arnasynda, aýdan ákimdikteriniń áleýmettik jelilerinde, sondaı-aq 2GIS jáne «Iandeks karty» servısterinde jarıalanady.