Almaty qalasynda «Ult rýhy - urpaq muraty» atty Qazaqstannyń İ Mádenıet forýmy bastaldy, dep habarlaıdy Almaty-akshamy.kz Almaty.tv-ge silteme jasap.
Bul - osy baǵyttaǵy tuńǵysh forým.
Aıtýly forýmǵa respýblıkanyń túkpir-túkpirinen 500-den asa delegat keldi. Olar - elimizdiń mádenıet, rýhanıat salasyndaǵy kórnekti tulǵalar, óner sańlaqtary, belgili qalamgerler.
Forýmdy QR Mádenıet jáne sport mınıstri Daýren Abaev resmı túrde ashyp berip, búgingi jáne bolashaq rýhanı baǵyt-baǵdarymyzǵa baılanysty keleli baıandama jasady.
«Bizdiń basty maqsatymyz - kitap oqıtyn qoǵam qalyptastyrý, tili men dástúrine berik jastardyń qataryn molaıtý» degen sala basshysy Almaty shaharynda kúni boıy túrli formatta ótetin forým jumysyna sáttilik tiledi.