Naýryzbaı aýdanynyń prokýratýrasy úleskerlerdiń qarajatyn tartý jóninde zańsyz qyzmetke baılanysty alaıaqtyqtyń jolyn kesti.
Bul týraly Almaty qalasynyń prokýratýrasy málimdedi.
2022 jyly «Flora City Stroy» JSHS dırektory «K» azamaty «instagram», «krisha.kz» áleýmettik jelilerinde qurylys salýǵa ruqsat qaǵazynsyz «Lantana» jáne «Flora» TK qurylysynyń bastalýy týraly jarnama bergen, dep habarlaıdy almaty-akshamy.kz.
Odan keıin «K» azamaty, satyp alýshylardy aldaý jáne olardyń senimin teris paıdalaný jolymen aldyn-ala satyp alý-satý sharttaryn jasap, 290 mln teńge mólsherindegi 34 úleskerdiń aqshasyn ıelengen.
Materıaldar sotqa deıingi tergep-tekserý júrgizý úshin Bostandyq aýdanynyń polısıa basqarmasyna joldandy.
Bostandyq aýdandyq sotynyń 21.06.2024 jylǵy úkimimen «K» azamaty QR QK-niń 190-baby 4-bóligi 2-tarmaǵymen (asa iri mólsherdegi alaıaqtyq) kináli dep tanylyp, 6 jyl 8 aı merzimge bas bostandyǵynan aıyryldy.
Alynǵan ýchaskeler jábirlenýshilerdiń zalalyn óteý úshin satylatyn bolady.
Úkim zańdy kúshine engen joq.
Almaty qalasynyń prokýratýrasy azamattardy jyljymaıtyn múlikti satyp alý kezinde qyraǵy bolýǵa jáne ruqsat berý, sondaı-aq quqyq belgileıtin qujattardyń bolýyn tekserýge shaqyrady.