Almaty qalalyq kóshi-qon qyzmeti megapolıste zańsyz jumys istegen sheteldikterdi anyqtady.
Atap aıtqanda, kórshi memleketterdiń azamattary kýrerlik qyzmet kórsetken, dep habarlaıdy almaty-akshamy.kz.
Almaty qalasy Bostandyq aýdanynda kóshi-qon zańnamasyn óreskel buzyp, elimizde júrgen jeti sheteldik ustaldy. Onyń ústine olardyń jeke basyn kýálandyratyn qujaty bolmaǵandyqtan qabyldap-taratý ornyna jiberildi. Sot sheshimimen ákimshilik jaýapkershilikke tartylyp, týǵan eline jer aýdarylady. Almaty — Qazaqstannyń iri shahary, qarjy jáne mádenı ortalyǵy retinde shetel azamattaryn da ózine tartady. Degenmen, elge kelý jáne osynda júrip-turý talaptaryn qatań saqtaı otyryp, Qazaqstan zańnamasyn qurmetteý shartymen zańdy túrde bolýy tıis, — dedi Almaty qalasy PD Kóshi-qon qyzmeti basqarmasynyń basshysy, polısıa polkovnıgi Asqat Býtýnchınov.