Ortalyqtyń basty maqsaty – polıseılerdiń kásibıligin arttyrý.
İİM Almaty akademıasynda uıymdasqan qylmysqa qarsy is-qımyl boıynsha mamandardy daıarlaý ortalyǵy ashyldy, – dep habarlaıdy Almaty-akshamy.kz Polisia.kz-ke silteme jasap.
Jańadan ashylǵan uıymdasqan qylmysqa qarsy is-qımyl boıynsha mamandardy daıarlaý ortalyǵy ishki ister mınıstri Marat Ahmetjanovtyń tapsyrmasy boıynsha ashylǵan.
Onda polıseılerge akademıanyń bilikti profesorlyq-oqytýshy quramy atalmysh baǵyttaǵy jumystyń daǵdylary men erekshelikterin úıretetin bolady. Atap aıtqanda, elimizdiń ár óńirlerinen uıymdasqan qylmystarǵa qarsy is-qımyl boıynsha polısıa mamandary biliktilikti arttyrý kýrstarynan ótedi.
Oqytý ortalyǵynyń basty maqsattarynyń biri – uıymdasqan qylmysqa qarsy kúres júrgizý jumysynda polıseılerdiń kásibılikterin arttyrý. İİM uıymdasqan qylmysqa qarsy kúres departamentiniń bastyǵy Qanat Nurmaǵambetov atap ótkendeı, respýblıka boıynsha túrli qylmystyq toptar men elementterdi quryqtaýǵa, olardyń aldyn alý men jolyn kesý baǵytynda naqty jumystar atqarylýda.
Atalmysh ortalyq jedel ýákil qyzmetkerlerdiń kásibıligi men bilimderin arttyrýǵa múmkindik beredi. İs-sharaǵa sondaı-aq Almaty qalasy polısıa departamentiniń bastyǵy Arystanǵanı Zapparov jáne QR İİM Almaty akademıasynyń bastyǵy Aıdar Saıtbekov qatysty. Ashylý saltanatynan soń, ortalyqta kóshi-qon boıynsha Halyqaralyq uıym mısıasynyń jáne Orta Azıalyq óńirlik aqparattyq úılestirý ortalyǵynyń ókilderiniń qatysýymen “Uıymdasqan qylmysqa qarsy kúres” taqyrybynda dóńgelek ústel ótkizildi. Jıynda aldaǵy ýaqyttaǵy jumystar jospary men oqytý formasyn jetildirý týraly máseleler talqylandy.