Qyzdyń taıaq jegen vıdeosy jelide tarap ketti.
Derek boıynsha tergeý áreketteri júrgizilip jatyr, dep habarlaıdy Almaty-akshamy.kz
«Bizdiń qorǵalýshy osy vıdeodan ózine qol kótergenderdi tanydy. Ony da osylaı aıaýsyz soqqyǵa jyqqan. Boıjetkenniń aıtýynsha, qyzdar ony uryp-soǵyp, er adamdarǵa satamyz dep qorqytqan. Polısıa qyzmetkerleriniń aıtýynsha, jábirlenýshi talabymen is muraǵatqa jiberilgen. Aýyldan kelgen qyzdar osylaı seks-quldyqqa tartylady. Aldymen olardy uryp-soǵady, qorqytady, sosyn zorlaıdy, vıdeoǵa túsiredi, masqaralaımyn dep qorqytady. Masqara bolýdan, taǵy da uryp-soǵyp, qorlaýdan qorqyp, qyzdar ózderinen talap etiletinniń bárin jasaıdy», - delingen jazbada.
Tengrinews.kz Almaty polısıa departamenti ókilderiniń jarıalanǵan vıdeoǵa qatysty pikirin jarıalady. Vedomstvoda bul derek boıynsha qylmystyq is qozǵalyp, Almaly aýdandyq polısıa bólimine tergeý júrgizilip jatqanyn habarlady.
«Obektıv mán-jaılar anyqtalyp jatyr. Qazir is júrgizý aıasynda keshendilik, tolyqtyq jáne obektıvtilik qaǵıdattary qatań saqtala otyryp, qajet tergeý áreketteri júrgizilip jatyr. Tergeý barysy Almaty qalalyq polısıa departamentiniń basqarma basshylyǵynyń baqylaýynda», - dedi polısıa departamentiniń baspasóz qyzmeti ókilderi.