Polıseıler úıinen ketip qalǵan 9 jasar balany tapty
Almaty qalalyq polısıa departamentiniń málimetinshe, senbi kúni keshki ýaqytta toǵyz jasar bala aǵasymen urysyp qalyp, syrt kıimsiz úıden shyǵyp ketken, dep habarlaıdy Almaty-akshamy.kz QazAqparatqa silteme jasap.
Ata-anasy ózderi izdep tappaǵan soń polısıaǵa júgindi. İzdeýge Alataý aýdandyq polısıa basqarmasy bastyǵynyń orynbasary Danıar Omarovtyń ózi qosyldy. Aýdandaǵy barlyq ýchaskelik ınspektorlar aıaǵynan tik turǵyzyldy, barlyq kireberister men jertóleler muqıat tekserildi, úıde qalǵan uıaly telefon da qaraldy. Beınebaqylaý júıesin tekserdi.
«Nátıjesinde ulymyz tabyldy. Almaty polısıasynyń basshylyǵyna, Danıar Omarov pen onyń áriptesteriniń kásibıligine rıza boldym. Qolastyndaǵy qyzmetkerlerińizdiń arasynda osyndaı jandardyń barynsha kóp bolýyn shyn júrekten tileımiz, óıtkeni azamattardyń ómirin saqtaýǵa olar dańq úshin emes, júrek qalaýymen barady», – dedi tabylǵan balanyń ata-anasy.