2023 jyldyń 14 mamyrynda saǵat 13:30 shamasynda qatty jeldiń saldarynan Áýezov aýdanyndaǵy 1 shaǵynaýdandaǵy úıdiń qasbeti jartylaı qulady, - dep habarlaıdy Almaty-akshamy.kz.
Bul úıdi 2015 jyly «Nest Stroy» JSHS paıdalanýǵa berdi. 5 jylǵa sozylǵan kepildik merzimi aıaqtalǵan bolatyn.
Turǵyndar «Turǵyn úı» JSHS arqyly úıdiń qasbetin jańǵyrtýǵa ótinim berdi. 15 mamyrdan bastap jobalaý-smetalyq qujattamany jasaý jumystary bastalady. Qazirgi ýaqytta Áýezov aýdanynyń komýnaldyq qyzmetteriniń kúshimen aýmaqty jınaý jumystary júrgizilip jatyr.
«MIB ókilderimen jáne qurylys salýshymen («Nest Stroy» JSHS) túsindirý jumystary barysynda atalǵan kompanıa qalpyna keltirý jumystaryn júrgizý úshin qarjylyq kómek kórsetedi degen ýaǵdalastyqqa qol jetkizildi. Jumystardy úshinshi tarap kompanıasy júrgizedi jáne qysqa merzimde jumysqa kirisedi».
Aıta keteıik, páterlerdiń, turǵyn emes úı-jaılardyń ıeleri kondomınıým nysanynyń ortaq múlkine aǵymdaǵy jáne kúrdeli jóndeý júrgizýdi qosqanda, kondomınıým nysanynyń ortaq múlkin kútip-ustaý jáne onyń qaýipsiz paıdalanylýyn qamtamasyz etý jóninde sharalar qabyldaýǵa mindetti.