Jobaǵa Qazaqstan halqy Asssableıasy uıytqy bolǵan.
Qala ortasyndaǵy turǵyn úılerdiń aýlasynda ótken sharaǵa jergilikti turǵyndar men qoǵam belsendileri jáne joba avtorlary qatysty. «Úıde sóıle» jobasynyń negizgi maqsaty - qazaq tilin oqyp úırený jáne tájirıbede qoldaný, dep habarlaıdy Almaty-akshamy.kz 24.kz-ke silteme jasap.
Iaǵnı osy sharany júzege asyryp otyrǵan Assambleıa jastary: "Qazaq tilin úırengisi keletinderge alysqa barmaı-aq úıdiń mańynda otyryp qazaqsha sóıleýge múmkindik jasaǵymyz keldi", - deıdi.
Jıynǵa kelgen belsendiler qazaq tilinde sóıleıtin ózge ult ókilderine tańyrqaı qaraýdyń keregi joq, memlekettik tildi bilý - Qazaqstan azamattarynyń mindeti. Sondyqtan mundaı jobalardy tek Almatyda ǵana emes, basqa da óńirlerde júzege asyrý kerektigin aıtady.
«Bizdiń elimizde basqa ulttyń ókilderi qazaqsha sóılese, árqashanda bizge qyzyq bolady. Ondaı bolmaý kerek. Negizgi bizdiń memlekettik tilimiz. Memlekettik til bolǵannan keıin Qazaqstanymyzdyń, keń baıtaq memleketimizdiń árbir turǵyny ana tili men memlekettik tildi bilý qajet», - deıdi qala turǵyny Mansur Moldaqul.