Shaharda árbir ákimshilik aýmaqty qamtyp, turǵyndarmen tyǵyz baılanys ornatý jáne qalada turatyn azamattardy der kezinde esepke alý maqsatynda aýqymdy "Ýchaske" jedel aldyn alý is-sharasy ótip jatyr, - dep habarlaıdy Aqshamnews.kz Polisia.kz-ke silteme jasap.
İs-shara barysynda quqyq buzýshylyqtyń aldyn alýǵa, qoǵamdyq qaýipsizdikti nyǵaıtýǵa jáne halyqtyń polısıaǵa degen senimin arttyrýǵa erekshe kóńil bólinip keledi.
Polısıa qyzmetkerleri turǵyn úıler men páterlerdi aralap, zań normalaryn túsindirip, azamattarǵa ózekti máselelerdi sheshýge kómektesýde. Áýezov aýdandyq polısıa basqarmasynyń bastyǵy Danıar Mendebaev 2025 jyl ishki ister organdarynda profılaktıka jyly dep jarıalanǵanyn eske saldy.
- Bizdiń jumysymyzdyń negizi – "Zań men tártip" qaǵıdaty. Biz halyqqa barynsha jaqyn bolyp, olardyń únin estip, árbir shaǵymǵa jedel áreket etýimiz qajet. Tek osylaı ǵana quqyq buzýshylyqtyń naqty aldyn alyp, qoǵamnyń senimin nyǵaıta alamyz, – dedi ol.
Profılaktıka jylynda Almaty polıseıleri quqyq buzýshylyqtyń aldyn alýǵa jáne qoǵamdyq qaýipsizdikti kúsheıtýge basa nazar aýdaryp otyr.